Zha mai angle

Zha ka o duito menu

Zha kai e lista

Marturia le Jehovaske

Romanes Kalderash

Le lashe viasti kai aven katar o Del

 SICHARIMOS 14

Sostar chidel o Jehova peske foros te kerel leski voia?

Sostar chidel o Jehova peske foros te kerel leski voia?

1. Sostar chidas o Del ka o Israel te avel lesko foro?

O Del chidas le niamuria le Abrahamoske te kerel iek vitsa anda lende ai dias len peske zakonuria. Dias len o anau “Israel”. Lengi buchi sas te arakhen o luvudimos chacho ai e Vorba le Devleski (Psalmo 147:19, 20). Gadia sa le manush anda le kolaver thema sas te len e asna katar o lashimos le Devlesko. Zhin Genesis 22:18.

O Del alosardias ka le israelituria te aven le manush kai den duma pa leste, leske Marturia. E historia katar gado them sikavel che bari asna si kana lenpe le manush pala le zakonuria le Devleske (Deuteronomy 4:6). Pala lende aver manush sas te prinzharen ka o Del o chacho. Zhin Isaiah 43:10, 12.

2. Sostar le chache disipluria chidenpe te keren e voia le Devleski?

Kana o Israel, o foro alosardo, jasardias te avel vorta angla le iakha le Devleske, o Jehova parhudias les pe aver narodo, kai kerelas so tradias o Kristo (Mate 21:43; 23:37, 38). Agies le kristianuria chache si kon keren e buchi le Devleski sar leske chache manush ai na le israelituria. Zhin Le Apostolengo 15:14, 17.

O Jesus chidas ka peske disipluria te den duma pa le lashe viasti pe sa e lumia ai te zhutin le manushen te lenpe pala le zakonuria le Devleske (Mate 10:7, 11; 24:14; 28:19, 20). Ande le palune giesa katar kacha vriama kai trais, gadia buchi bariol defial zurales. Agies o Jehova chidel millonuria manush ande sa le thema te thonpe ando pachamos chacho (Sicharimos [Apokalipsos] 7:9, 10). Kana si savorhe chidine ai keren e buchi le Devleski, le chache kristianuria shai zhutinpe ai shai denpe zor iek avresa. Savorhe sichon ande khangeri iek fialo sicharimos anda e Biblia. Zhin Zhiduvuria 10:24, 25.

 3. Katar ankliste le Marturia le Jehovaske anda amare giesa?

Ando borsh 1870 ai mai angle, uni zhene kai chitonas e Biblia astarde te roden ande Biblia, arakle but chachimata kai de but vriama sas garade. Aliarde ke o Jesus chidas la khangeria te ingeren e viasta pa e Amperetsia le Devleski, gadia linepe te ingeren e viasta pe sa e lumia. Ando borsh 1931 line o anau Marturia le Jehovaske. Zhin Le Apostolengo 1:8; 2:1, 4, 11, ai 5:42.

4. Savi buchi keren le Marturia le Jehovaske?

Porme kana mulo o Jesus, sas uni manush phure ando sicharimos. Lende sas e buchi te arakhen ai te ningeren mishto ka sa le khangeria kai sas ande godia vriama, ai presnainas le Jesusos sar o Shero la khangeriako * (Le Apostolengo 16:4, 5). Agies le Marturia le Jehovaske si len iek grupo sar sas de mai anglal, kai zhutin len ai ningeren len mishto. Von dikhen te kerdiol mishto e buchi kai kerelpe ande sa le khera Bethel pe sa e lumia. Ande godola khera ramon publikasionuria la Bibliake ande but shiba, ai keren but kopi anda le publikasionuria ai den len ande mai but de 600 shiba. La Bibliasa, gadala manush phure den zor ai ningeren mishto ka le mai but de 100.000 khangeria. Ai ande godola khangeria si mursh ke zhanen te arakhen vulimasa le bakriorhen le Devleske. Zhin 1 Petri 5:2, 3.

Le Marturia le Jehovaske sichile te ningeren le lashe viasti kai del e Biblia ai keren disipluria. Sar le apostluria, ningeren godia viasta kher kherestar (Le Apostolengo 20:20). Ai vi sikaven pa e Biblia godolen manushen kai vulin o chachimos. Numa le Marturia le Jehovaske, ke sam le manush kai das duma pa o Jehova chi sam ferdi manush katar iek religion, sam iek familia kai kamas amen ai aliaras sar amaro Dat arakhel amen vulimasa (2 Thesaloniana 1:3). Ai savorhe chidine thas amari zor te keras e voia le Devleski ai te zhutis le kolavren. Savorhe amen sam e familia mai veselime la lumiaki. Zhin 1 Petri 2:9 ai Le Apostolengo 20:35.

^ párr. 12 E vorba grechitska ek-kle-si’a ke Rhomanes si “khangeri” kamelas te phenel ke si manush kai chidenpe te keren vareso, nai iek kher.