Zha mai angle

Zha ka o duito menu

Zha kai e lista

Marturia le Jehovaske

Romanes Kalderash

Le lashe viasti kai aven katar o Del

 SICHARIMOS 15

Sostar chi trobus te mekes te sichos pa e Biblia?

Sostar chi trobus te mekes te sichos pa e Biblia?

1. Sar si te zhutil tu te na mekes te sichos pa e Biblia?

Sa o sicharimos la Bibliako kai dikhlian zhi akana, kerdias te bariol o vulimos kai aliares karing o Jehova, nai chaches? Numa musai te mekes te mai bariol godo vulimos (1 Petri 2:2). Chiro azhukerimos pa iek traio kai chi mai getol, si te kerdiol chacho te avesa pasha o Jehova te zhinesa ai te aliaresa leski Vorba. Zhin Iovano 5:24 ai 1 Timote 2:3, 4.

Kana sichosa mai pa o Del, si te zuriavol cho pachamos ai gadia si te veselis o ilo le Devlesko (Zhiduvuria 11:1, 6). O pachamos ningerel amen te keis amen ai te keras dieli te parhuvas amaro traio te zhal amenge mishto. Zhin Le Apostolengo 3:19.

2. Sar shai zhutis le kolavren?

Tu shai aves veselime te avesa pasha o Jehova

Sa le manushenge si amenge drago te das lashe viasti. Pala godia, shai avela ke kames te phenes le kolavrenge sa so sichilian. Kana zhinesa ai aliaresa so phenel e Biblia, si te zhanes te sikaves la Bibliasa le lashe viasti kai del o Jehova le zhenenge. Zhin Romanuria 10:13-15.

Shai astares te des duma pa gado chire niamonentsa ai le manushensa kai kames desia zurales. Numa trobus te respektis le manushen ai te des duma lentsa vulimasa. Na phen lenge ke so pachan nai vorta, de duma pa so shinavel o Del. Ser tuke ke sa so keresa si te aresel mai fuga ando ilo de sar so anklel anda cho mui. Zhin 2 Timote 2:24, 25.

3. Sar shai aves veselime te avesa pasha o Del?

Kana sichosa pa e Biblia si te barios ando chachimos ai si te aves mai pashe pasha o Del. Tu shai aves anda e familia le Devleski. Zhin 2 Korintiana 6:18.

 4. So si te zhutil tu te barios ando chachimos?

Na mek te sichos pa e Vorba le Devleski (Zhiduvuria 5:13, 14). Mang katar iek Marturo le Jehovasko te zhutil tu te sichos mai katar e Biblia mashkar aver publikasion. Te mai sichosa pa le dieli la Bibliake, mai veselime si te avel cho traio. Zhin 1 Timote 4:15, 16 ai Romanuria 12:2.

Na vister ke sa le lashe viasti le Devleske ande Biblia le. Vo, o Jehova, si o Del veselime ai tu shai pashos pasha leste te chidesa tu le manushentsa kai si chache lesa (Zhiduvuria 10:24, 25). Ai te thosa sa chiri zor te keres leski voia, si te areses te les o traio chacho: o traio kai chi mai getol. So si mai mishto tuke, si te pashos pasha o Del. Zhin 1 Timote 1:11 (NW) ai 6:19.