Zha mai angle

Zha ka o duito menu

Zha kai e lista

Marturia le Jehovaske

Romanes Kalderash

Le lashe viasti kai aven katar o Del

 SICHARIMOS 13

So mothol e Biblia ke si te nakhel le religionentsa?

So mothol e Biblia ke si te nakhel le religionentsa?

1. Lashe le sa le religionuria?

Ande sa le religionuria si manush lashe ilestar. Ai iek lashi viasta si ke le Devleske si pala lende. Numa, kerdine dieli bi malade ando anau katar sa le religionuria (2 Korintiana 4:3, 4; 11:13-15). Kana ashunas pa o terrorismo, o mundarimos, vai kana zhan pala iek foro te getosaren lesa, vai kana ashunas ke aminpe ka le tsinorhe, das po gor ke le religionuria nai defial vuzhe. But manush kai pachan chachimasa ande gadala religionuria ai ke si len iek lasho ilo nekezhin ai tristonpe kana ashunen kasavendar dieli. Zhin Mate 24:3-5, 11, 12.

O pachamos chacho presnail ka o Jehova, ai o pachamos jojamno anel leske lazhau. Vo sikavel o jojaimos pa o Del ai pa so nakhel le manushentsa kana meren ai phenen dieli kai nai ande Biblia. Numa o Jehova kamel te prinzharen savorhe o chachimos pa leste. Zhin Ezekiel 18:4 ai 1 Timote 2:3-5.

2. So mothol e Biblia ke si te nakhel le religionentsa?

Si religionuria kai mothon ke kamen le Devles, numa kamen chachimasa e lumia le Satanoski. Numa le Devles khonik chi atsavel les (Iakov 4:4). E Biblia akharel ka sa le religionuria jojamne: e Babilonia e Bari. Babilonia sas iek foro kai sas de dumut polme te avel o baro brishin ande le giesa le Nohaske, katar godo foro ankliste sa le religionuria jojamne. Pa tsirha vriama, o Del si te peravel sa le religionuria kai atsaven ai keren nasul la lumiake, ai si te kerel godo kana khonik chi azhukerela les. Zhin Sicharimos (Apokalipsos) 17:1, 2, 5, 16, 17 ai 18:8.

O Jehova chi vistrel pa sa godola lashe manush kai si ande but religionuria jojamne pe sa e lumia, Vo chidel sa godolen manushen. Sar kerel godo? Kerel godo kana sikavel len o chachimos. Zhin Iovano 6:45.

 3. So trobun te keren le manush lashe ilestar?

E religion chachi kerel te train le manush savorhe chidine ai ande pacha

O Jehova lel sama katar godola manush kai vulin o chachimos ai kamen te keren so si vorta. Anda godia, mangel lendar te zhantar katar e religion jojamni. Te avela ke chachimasa kamen les, si te keren so trobula te veselin lesko ilo. Zhin Sicharimos (Apokalipsos) 18:4.

Porme kana mulo o Jesus, but zhene lashe ilestar ashunde e viasta le apostolengi ai linepe pala e religion chachi. O Jehova sikadias len sar te train mai mishto, veselime, ai dias len iek shukar azhukerimos. Gadia sar kerde von, vi amen trobus te keras so mothol e Biblia, ai te thas ka o Jehova mai anglal katar fersavi diela ando amaro traio. Zhin 1 Thesaloniana 1:8, 9 ai 2:13.

O Jehova tholpe veselime kana zhan leste le manush kai meken e religion jojamni. Sa godola zhene veselime le te aven pasha o Del, aliaren o kamlimos le phralengo ande khangeri ai si len o azhukerimos te train o traio kai chi mai getol. Sas te plachal tu vi tut te aves gadia? Zhin Marko 10:29, 30 ai 2 Korintiana 6:17, 18.

4. So si te kerel o Del te avel veselia ai pacha ande lumia?

Kana o Jehova getosarela te peravel sa le religionuria jojamne, si te anel pacha ande lumia. Le religionuria jojamne chi mai si te atsaven le manushen ai chi mai si te rhespin le manushen pe fersavi rig. Sa e lumia si te luvudil samo iekhe Devles, o Del o chacho. Nai kacha iek lashi viasta? Zhin Sicharimos (Apokalipsos) 18:20, 21 ai 21:3, 4.