Zha mai angle

Zha ka o duito menu

Zha kai e lista

Marturia le Jehovaske

Romanes Kalderash

Le lashe viasti kai aven katar o Del

 SICHARIMOS 6

Che azhukerimos meklias o Del pa godola kai soven ande martia?

Che azhukerimos meklias o Del pa godola kai soven ande martia?

1. So shinavel e Biblia pa godola kai soven ande martia?

Kana o Jesus sas pe Phuv sas les iek amal (amigo) ke busholaspe Lazaro. Vo beshelas ande Bethany iek foro tsinorho pasha o Jerusalem. Ande iek gies o Lazaro mulo ai o Jesus gelo ande Bethany, numa kana areslo kotse, o Lazaro gata sas mulo 4 giesa. Le phea katar o Lazaro, e Marta ai e Maria, ningerde le Jesusos ka o greposhevo, ai fuga chidinisaile but manush. Shai aliares e bari veselia kai sas ande Marta ai e Maria kana dikhle ke o Jesus zhuvindisardias lenge phrales anda e martia? Zhin Iovano 11:21-24, 38-44.

Ande Biblia si but lashe viasti, numa iek defial shukar si ke le manush kai soven ande martia si te zhuvindin. E Marta sichili ke o Jehova shinavel ke si te ushtiavel le manushen kai jaisaile te train pale pe Phuv. Zhin Job 14:14, 15.

2. So kerdiolpe le manushentsa kana meren?

O Del phendias le Adamoske: “Pulveria san ai kai pulveria si te amboldes” (GENESIS 3:19)

Amen le manush sam kerde anda le pulveria la phuviake (Genesis 2:7; 3:19). Chi sam dujuria kai train ande staturia maseske ai kana meras khanchi ande amende ashel zhuvindo. Kana merel e gogi, vi le ginduria meren. Le mule chi nekezin ai chi aliaren khanchi, pala godia, kana zhuvindisailo o Lazaro chi phendias ke gelo varekai kana mulo. Zhin Ecclesiastes 9:5, 6, 10.

Uni manush pachan ke le bi lashe aresen ande iek iag kana meren. Gindin ke o Del mekel len kotse ando iado te chinuin, numa godo nai chaches. Sar dikhliam zhi akana, kana o manush merel chi zhanel khanchi. Ferdi o gindo, te kerel varekas  te nekezil ande iek iag si griatsa le Jehovaske. Anda godia o pachamos ando iado jojamno lo ai meliarel o anau le Devlesko. Zhin Jeremiah 7:31.

3. Shai das duma le mulentsa?

Le mule nashtin te den duma ai chi te ashunen (Psalmo 115:17). Numa si angeluria bi lashe kai shai den duma le manushentsa, ai gadia diliaren le manushen te gindin ke von den duma le mulentsa (2 Petri 2:4). Anda godia o Jehova chi kamel, vurhitsil te kamas te das duma le mulentsa. Zhin Deuteronomy 18:10, 11.

4. Kon si te zhuvindin?

Millonuria manush kai jaisaile si te train pale de neves pe Phuv ai vi si te zhunvindin uni manush kai kerde dieli bi lashe ke chi prinzharde ka o Jehova. Zhin Psalmo 37:29 ai Le Apostolengo 24:15.

Godola kai zhuvindina si te shai sichon o chachimos le Devlesko, si te pachanpe ando Jesus ai si te sikaven ke si manush ke pachan o mui (Sicharimos [Apokalipsos] 20:11-13). Te kerena gadia, si te aven veselime te train o traio kai chi mai getol pe Phuv. Zhin Iovano 11:25, 26.

5. So sikavel amen o zhuvindimos pa o Jehova?

O zhuvindimos sikavel ke o Del kamel amen but ai ke makar sam bezejale, kamel ilesa amaro mishtimos. Nais le Devleske ke tradias peske Shaves te merel pala amende, shai azhukeras te avel zhuvindimos mai angle. Ai tu, kas kames te dikhes kana zhuvindina le manush kai jaisaile? Zhin Iovano 3:16 ai Romanuria 5:18.