Zha mai angle

Zha ka o duito menu

Marturia le Jehovaske

Romanes Kalderash

So trobul amen te avas iek familia veselime?

So trobul amen te avas iek familia veselime?

Phenes ke...

  • ... o vulimos?

  • ... le love?

  • ... vai aver prama?

 E BIBLIA PHENEL

“Raduime mai bini kodola kai ashunen E Vorba le Devleski, ai kai garaven la” (Luk 11:28, E Lashi Viasta)

SAR ZHUTIL AMEN TE ZHANAS GADO

Si te arakhes vulimos chacho (Efisiana 5:28, 29).

Si te avel baro respekto (Efisiana 5:33).

Si te avel pakiamos iek anda avreste (Marko 10:6-9).

 SI PALA SOSTE TE PAKIAS ANDE BIBLIA?

Ei, si but, akana ferdi phenas dui:

  • O Del kerdias e familia. E Vorba le Devleski phenel ke o Del o Jehova ansurisardias ka o angluno mursh ai kai e angluni zhuvli (Génesis 2:18-24). Anda godia, shai phenas ke o Jehova kerdias e familia. Sostar si bari prama te pakias ande gado?

    Gindi tu ke jas iek lasho jabe ai kames te zhanes so thode andre, kastar si te pushes? Katar godo manush kai kiradias les, nai?

    Gadia, te kamesa te zhanes sar te avel tu iek familia veselime, trobus te pushes katar o Jehova ke vo kerdias la.

  • O Del lel sama amendar. So si mai mishto tuke ai ka familiake si te roden so phenel o Jehova ande Biblia, ke vo “lel sama tumendar” (1 Petri 5:6, 7). O Jehova kamel so si mai mishto amenge ai sa so phenel si pala amaro mishtimos (Iakov 1:5; Isaías 48:17, 18).

 GINDI TU

Sar shai avau iek lasho dat, dei, rhom vai rhomni?

Rode ande Biblia EFISIANA 5:1, 2 ai KOLOSIANA 3:18-21.