Zha mai angle

Zha ka o duito menu

Marturia le Jehovaske

Romanes Kalderash

So si e Amperetsia le Devleski?

So si e Amperetsia le Devleski?

Phenes ke si . . .

  • Vareso kai si amen ando ilo?

  • Iek Amperetsia ando cheri?

  • Vai aver diela?

 E BIBLIA PHENEL

“O Del ando cheri anela iek Amperetsia ke shojar chi avela peradi” (Daniel 2:44, New World Translation)

“Baro avela ai akharena les O Shav le Devlesko kai si opre. O Del kerela anda leste amperato [...] ai leski amperetsia shoxar chi getolpe!” (Luk 1:32, 33, E Lashi Viasta)

SAR ZHUTIL AMEN TE ZHANAS GADO

  • Si iek Amperetsia chachi kai zhal vorta ai ke si te zhutil ka suako anda amende (Isaiah 48:17, 18).

  • Pa tsirha vriama, ande iek nevi lumia e Amperetsia si te kerel te trais savorhe veselime ai chi mai avena nasualimata (Sicharimos [Apokalipsos] 21:3, 4).

 SI PALA SOSTE TE PAKIAS ANDE BIBLIA?

Ei, si but, akana ferdi phenas dui:

  • O Jesus sikadias so si te kerel e Amperetsia le Devleski. Vo sichardias peske disiplon te rhugin  te avel e Amperetsia le Devleski ai te kerdiol e voia le Devleski pe Phuv (Mate 6:9, 10). Vi sikadias sar si te kerdiol chacho godo so von mangenas.

    Kana sas pe Phuv, o Jesus pravardias le bokhalen, sastiardias le nasualen ai na numa godo, dias o traio pale godolen manushen kai jaisaile (Mate 15:29-38; Iovano 11:38-44). Sar vo si te avel o Amperato anda e Amperetsia le Devleski, sikadias uni anda le lashe dieli ke godia Amperetsia si te anel godolen manushenge kai lenpe pala leste (Sicharimos [Apokalipsos] 11:15).

  • Sa so si agies ande lumia sikavel pra mishto ke e Amperetsia le Devleski avel ande jantsi vriama. O Jesus phendias ke e Amperetsia le Devleski si te anel e pacha pe Phuv, numa mai anglal te avela godo, phendias ke e lumia sas te avel pherdo mundarimos, bokh ai ande but thana izdrala e Phuv (Mate 24:3, 7).

    Sa godola dieli dikhas agies. Pala godia shai zhanas chachimasa ke pa tsirha vriama e Amperetsia le Devleski si te lasharel sa te na mai aven kasavendar dieli.

 GINDI TU

Sar si te avel o traio tela e Amperetsia le Devleski?

Rode ande Biblia PSALMO 37:29 ai ISAIAH 65:21-23.

Sikio mai

LE LASHE VIASTI KAI AVEN KATAR O DEL

So kamel te kerel o Del la Phuviasa?

E Biblia phenel soske kerdias o Del e Phuv, kana chi mai avela o chino ai so si te nakhel la Phuviasa ai le manushentsa mai angle.