Zha mai angle

Zha ka o duito menu

Marturia le Jehovaske

Romanes Kalderash

Si te aresel o gies kai chi mai si te avas po kino?

Si te aresel o gies kai chi mai si te avas po kino?

Phenes ke...

  • ... ei?

  • ... nai?

  • ... shai avela?

 E BIBLIA PHENEL

“O Del lela le asua katar amare iakha, ai chi mai avela martia, ai nai nekazo, ai chi mai roven, ai ma nai dukh” (Sicharimos [Apokalipsos] 21:3, 4, E Lashi Viasta)

SAR ZHUTIL AMEN TE ZHANAS GADO

O Del del amen peski vorba ke vo nai kai kerel amenge khanchi nasul (Iakov 1:13).

Si te avel amen pacha ando Del ke zhanas ke vo aliarel amare dukha (Zacarías 2:8).

Shai azhukeras chachimasa, ke mai angle chi mai si te aven nekazuria ke khanchi chi si te kerel amenge nasul (Psalmo 37:9-11).

 SI PALA SOSTE TE PAKIAS ANDE BIBLIA?

Ei, si but, akana ferdi phenas dui:

  • Angla le iakha le Devleske o kino ai so nai vorta si desia zhungalo. Sar aliardiape o Jehova kana kinuisarde desia zurales peske foros de dumut? E Biblia phenel ke dukhala les kana dikhelas sar pesko foro kinuilas anda le vast katar aver foruria (Jueces 2:18).

    Le Devleske nai drago kana le manush den po kino avren zhenen. E Vorba le Devleski phenel ke leske nai drago kana varekon mundarel avres (Proverbios 6:16, 17).

  • Le Devles si leske pala suako manush. Shai te gindis ke numa tu zhanes kiri dukh ai kiro nekazo, numa vi o Jehova zhanel sar aliares tu (2 Crónicas 6:29, 30).

    Ande tsirha vriama, mashkar peski Amperetsia o Del si te ankalavel o kino katar suako manush (Mate 6:9, 10). Zhi kai aresela godo gies, sa godolen manushen kai roden les chachimasa del len pacha ai arakhel len vulimasa (Le Apostolengo 17:27; Filipiana 4:7).

 GINDI TU

Sostar mekel o Del te avas po kino?

Rode ande Biblia ROMANURIA 5:12 ai 2 PETRI 3:9.

Sikio mai

LE LASHE VIASTI KAI AVEN KATAR O DEL

Sostar mekel o Del o bi lashimos ai o chino?

Sar avilo o bilashimos ande lumia? Sostar mekel les o Del? Si te aresel o gies kai chi mai si te avas po chino?