Zha mai angle

Zha ka o duito menu

Zha kai e lista

Marturia le Jehovaske

Romanes Kalderash

Ashun le Devles te trais o traio kai chi mai si te getol

 SICHARIMOS 4

So sas kana ashunde le Benges?

So sas kana ashunde le Benges?

O Adan ai e Eva mule ke chi pakiaie o mui le Devlesko (Genesis 3:6, 23; 2 Korintiana 11:3)

E Eva ashundias so phendias o sap ai jalias e fruta le osheski. Mai angle dias la ka o Adan ai vo jalias.

Godo kai kerde nas mishto, sas iek bezej. O Del gunisardias len anda o Paraiso.

O traio kerdilo pharo lenge ai lenge shavenge. Phurile ai mule. Chi gele ando cheri chi katsende. Manas len traio.

 Le mule kerdion pulveria ai nashtin te keren khanchi (Psalmo 104:29, E Nevi Viasta ai O Psalmo, ENV)

Savorhe avas katar o Adan ai e Eva, ai pala godia meras. Le mule chi dikhen, chi ashunen ai nashtin te keren khanchi, si sar te avela ke soven (Iovano 11:11-14).

O Jehova chi kerdias le manushen te meren. Mai angle ande tsirha vriama, pale si te del o traio godolen kai soven ande martia. Te pakiana lesko mui chi mai si te meren.