Can mashcushcamu riy

Temagunada ricuchingaj nishcamu ri

 PARTE 8

¿Imamunda Jesusga huañuga?

¿Imamunda Jesusga huañuga?

Na chingarishalla causida charichunmi Jesusga tuquigunamunda huañuga (Juan 3:16)

Jesús quinsa pˈunlla huañushca qˈuipaga, huaquin huarmiguna pambushca pushtumu rigaguna, chimu chayushaga chushujtami japigaguna. Jehová ñami cutin causachishca.

Qˈuipamunga Jesusga paibuj apostolgunamunmi ricuriga.

Paiga na ñucuchimalaya causarigachu. Diosga shuj ángel shinami causachiga. Paibuj apostolgunaga imashina jahua pachamun rijtami ricugaguna. Cununga shuj ángel poderosomigun paiga na huañungachu.

 Cai achpada mandachunmi Taita Diosga Jesusta causachiga (Daniel 7:13, 14)

Jesusga ñucuchij juchagunamunda huañunamundash llujchingu, paibuj causida cuga (Mateo 20:28). Paimundami Taita Diosga na huañusha causida cusha nin.

Jahua pachamunda cai achpada mandachunmi Jehová Diosga Jesusta aglluga. Shinash na pailla mandangachu, 144.000 cazuj gentegunami causarishca qˈuipa paiyun jahua pachabi causungaguna. Paigunami cabishcada mandunga. (Revelación [Apocalipsis] 14:1-3).

Paiguna mandungu callarishami cai gerragunada, shujcunada llaquichijcunadash, tuqui laya llaquigunadash tucuchisha, cai achpadaga shuj paraisoda rurangaguna. Chibimi tuqui genteguna cushilla causanga (Salmo 145:16).