Amol tati dungu mu

Amol epungechi menu mu

Amol tati pepikalechi dungu mu

Pu Dungukelu Iñi Ngen Jewba

chedungun (pewenche)

‘Allkütumochi’, pi Chaw Ngünechen ‘abnochi mongen niebüymi’

 KIMELÜN 7

¿Iñi am Jesu?

¿Iñi am Jesu?

Jewba werkübi Jesu Mapu mu 1 Juan 4:9

Eymi küpa ayüwülbilmi Jewba, allkütunge Chaw Ngünechen tañi Botüm. Kuybi mu, Jewba petu dewmanolu Adan, unen dewmay wenu mapu mu kiñe doy newenngechi küme püllü.

Beymu, Chaw Dio werküy küme püllü tañi llegal Mapu mu, we püñeñ reke. Kiñe domüche, Maria pingekebüy, kidu kimkelabüy wentru, niepoy kiñe püñeñ püchü wariba mu Belen pingebüy. Tati püñeñ Jesu pintukulelngi (Juan 6:38).

Beymu kidu mülepalu Mapu mu, Jesu pewbaluy kümechengen ka ayiken tañi poyeal ta che, Jewba reke. Beymu, tati pu che küpa bülkoni kidu mu. Kabey, kidu niebüy yabüluwün ñi kimelelabel Chaw Ngünechen tañi rüb dungu.

 Jesu kümeke dungu bemkebüy, welu bentren che üdeyu 1 Pedro 2:21-23

Kidu eypi, ‘pu longkolelu religion mu koyla kimelelümkingün, ka weya bemkingün’. Beymu, kidu engün üdebi ta Jesu.

Ka mongelbi tati pu kutran, ka wiñomongeltubi kiñeke lachi che.

Pu longkolelu religion mu eypibingün tati pu Roma che, tañi wülelkabel ka langümabel Jesu.