Amol tati dungu mu

Amol epungechi menu mu

Pu Dungukelu Iñi Ngen Jewba

chedungun (pewenche)

¿Chem am Chaw Ngünechen tañi Ngüneneel?

¿Chem am Chaw Ngünechen tañi Ngüneneel?

Eymi ¿chem piabüymi . . .

  • ... kiñe dungu taiñ piwke mu mülelu?

  • ... kiñe koylake nütram?

  • ... kam wenu mapu mu ngüneneel?

 BIBLIA EYPI

“Tati Ngünechen wenu mapu mülelu elkünoy kiñe ngüneneel, apümkangelay.” (Daniel 2:44, Traducción del Nuevo Mundo.)

“Kiñe botüm elungiñ; ka elbalkünongi tati Ngüneneel.” (Isaías 9:6.)

¿CHUMNGECHI KELLUABEYMU TÜBA?

  • Tübachi Ngüneneel norngi, ka pepi kelluaymu (Isaías 48:17, 18).

  • Püchün upa mu ayüwkülechi mongen nieiñ, ka kutranwelaiñ kiñe we mapu mu mületoiñ (Apokalipsi 21:3, 4).

 ¿RÜB MUPITUPEABÜIÑ MAY CHEM PIN TA BIBLIA?

May, peabiiñ epu dungu müten:

  • Jesu pengelelbi tati pu che ñi chumal Ngüneneel küpalu Chaw Ngünechen mu. Kidu kimelelbi tañi pu inanietu chumngechi tañi ngillatol engün, küpape Chaw Ngünechen ñi Ngüneneel, bempe mapu mu dewmayal (Matew 6:9, 10). Tübachi ngillatun llowdungungey, welu ¿chumngechi Jesu pengeli tüba?

    Mülepalu Mapu mu, Jesu elubi iyal pu ngüñülelu, mongelbi pu kutran, kenü wiñomongeltubi kiñeke layelu (Matew 15:29-38; Juan 11:38-44). Jesu pengeli kiñeke küme dungu ñi bemal Chaw Ngünechen ñi Ngüneneel pu che mu, kidu Ngünenetule (Apokalipsi 11:15).

  • Kom dungu upamekelu tübachi Mapu mu, pengeli tañi bülkülepan Chaw Ngünechen ñi Ngüneneel. Jesu eypikünoy, petu akunole tüngün Chaw Ngünechen ñi Ngüneneel, tübachi kom wall Mapu püle müli weychan, ngüñün ka nüyün (Matew 24:3, 7).

    Bamülke upameki kom tübachi weyake dungu. Beymu maneluwküliiñ Chaw Ngünechen ñi Ngüneneel püchün upa mu apümal kom tübachi weyake dungu.

 RAMTUWNGE

Chaw Ngünechen ngünenetule Mapu, ¿chumkülepoy mongen?

Kintuaymi llowdungun Biblia mu SALMO 37:29 ka ISAÍAS 65:21-23.