You go talk say . . .
na just book like any other book?
na book wey lie-lie story dey inside?
na book from God?
SEE WETIN BIBLE TALK
‘Na holy spirit from God direct everything wey them write inside Bible.’—2 Timothy 3:16, New World Translation.
HOW WETIN BIBLE TALK FIT HELP YOU
E de give correct answer for all the important questions wey people de ask.—Proverbs 2:1-5.
E de give correct advice so that we fit live better life everyday.—Psalm 119:105.
E de give hope say the future go better.—Romans 15:4.
WE FIT TRUST WETIN BIBLE TALK?
Yes, make we see three reason:
Everything wey Bible talk agree from beginning go reach end. E take 1,600 years to write Bible finish, and na about 40 different people write-am. Some of them no even know the others. But everything for inside de still talk one thing.
Na true story dey inside. When people de write about wetin don happen before, them de hide how other people win their country. But the people wey God direct to write Bible write their mistake and the one wey their country make.—2 Chronicles 36:15, 16; Psalm 51:1-4.
Wetin Bible talk must happen. Bible don talk-am 200 years before say they go destroy Babylon. (Isaiah 13:17-22) E no only talk how they go destroy Babylon, e even talk who go destroy-am!—Isaiah 45:1-3.
Plenty things wey Bible talk say them go happen, don happen just as e talk. No be wetin you go expect from the Word of God?—2 Peter 1:21.
THINK ABOUT THIS QUESTION
How Bible fit make your life better?
The answer dey for ISAIAH 48:17, 18 and 2 TIMOTHY 3:16, 17.