Jump go content

Jump go the other things wey dey

Jehovah Witness

Pidgin (West Africa)

How You Think Say the Future Go Be?

How You Think Say the Future Go Be?

This world go . . .

  • remain as e dey?

  • bad pass as e dey?

  • better pass as e dey?

 SEE WETIN BIBLE TALK

‘God go wipe all the tears from their eye, and they no go die again, people no go de cry again, pain no go dey again. The old things don pass.’—Revelation 21:3, 4, New World Translation.

HOW WETIN BIBLE TALK FIT HELP YOU

Everybody go get better work and e go make them happy.—Isaiah 65:21-23.

People no go sick or suffer again.—Isaiah 25:8; 33:24.

Family and friends go enjoy better life forever.—Psalm 37:11, 29.

 WE FIT TRUST WETIN BIBLE TALK?

Yes, make we see two reason:

  • God get power to do everything wey e don promise. Bible talk say na only Jehovah be ‘Almighty’ because e power no get end. (Revelation 15:3) So as e don promise say e go make this world better, e go really do-am. Na this one make Bible talk say, ‘for God, everything dey possible.’—Matthew 19:26.

  • God want do wetin e don promise. For example, God no want make people de die, e really want bring them back to life.—Job 14:14, 15.

    Bible still show say, Jesus don cure sick people before. Why e cure them? Na because e really want do-am. (Mark 1:40, 41) Jesus help poor people because e really follow how Jehovah de do things.—John 14:9.

    All this one show say, Jehovah and Jesus want make we enjoy better future!—Psalm 72:12-14; 145:16; 2 Peter 3:9.

 THINK ABOUT THIS QUESTION

How God go change this world make e better?

The answer dey for MATTHEW 6:9, 10 and DANIEL 2:44.