Jump go content

Jump go the other things wey dey

Jehovah Witness

Pidgin (West Africa)

Suffer-Suffer Go Ever End?

Suffer-Suffer Go Ever End?

You go talk say . . .

  • yes?

  • no?

  • I no sure?

 SEE WETIN BIBLE TALK

‘God go wipe all the tears from their eye, and they no go die again, people no go de cry again, pain no go dey again.’ —Revelation 21:3, 4, New World Translation.

HOW WETIN BIBLE TALK FIT HELP YOU

You go really dey sure say no be God de make people suffer.—James 1:13.

We no go worry too much when we know say God no like-am as we de suffer.—Zechariah 2:8.

We go get hope say small time people no go suffer again.—Psalm 37:9-11.

 WE FIT TRUST WETIN BIBLE TALK?

Yes, make we see two reason:

  • God no like-am when we de suffer. For Bible, how Jehovah feel when e see as other people de make e people suffer? Bible talk say e really pain Jehovah because other people de make e people suffer.—Judges 2:18.

    God no just like-am when some people de make other people suffer. For example, Bible talk say if person de kill other people, Jehovah hate that person.—Proverbs 6:16, 17.

  • God de care for us one by one. Na true say everybody know e own problem. Even Jehovah know-am. E sabi the problem wey we get one by one.—2 Chronicles 6:29, 30.

    Small time, Jehovah go bring e Kingdom. That time people no go suffer again. (Matthew 6:9, 10) But for now, anybody wey e trust Jehovah, Jehovah de help that person make e dey strong.—Acts 17:27; 2 Corinthians 1:3, 4.

 THINK ABOUT THIS QUESTION

Why God allow make people de suffer?

The answer dey for ROMANS 5:12 and 2 PETER 3:9.

Learn More

GOD GET GOOD NEWS FOR YOU!

Why God Leave-am Make Bad Things De Happen?

How bad things start, and why God never stop-am? Suffer go ever end?