Jump go content

Jump go the other things wey dey

Jehovah Witness

Pidgin (West Africa)

Wetin Be the Kingdom of God?

Wetin Be the Kingdom of God?

You go talk say na . . .

  • something for your mind?

  • place wey you go dey with the lord?

  • government for heaven?

 SEE WETIN BIBLE TALK

‘God for heaven go start kingdom wey nothing go fit destroy-am.’—Daniel 2:44, New World Translation.

‘They don born one pikin for us; and the government go dey for e hand.’—Isaiah 9:6.

HOW WETIN BIBLE TALK FIT HELP YOU

  • We go get better government and you go enjoy-am.—Isaiah 48:17, 18.

  • For paradise, people no go de sick and we go de happy.—Revelation 21:3, 4.

 WE FIT TRUST WETIN BIBLE TALK?

Yes, make we see two reason:

  • Jesus show wetin the Kingdom go do. Jesus teach all e disciple make they beg God say make e Kingdom come. And make the thing wey God want happen for this earth. (Matthew 6:9, 10) Jesus show how God go answer that prayer.

    The time wey Jesus dey this earth, e cure sick people, e bring people wey they don die back to life, and even when people de hungry, e give them food. (Matthew 15:29-38; John 11:38-44) Na Jesus go be King for the Kingdom. And e don show us plenty better things wey that Kingdom go do for everybody.—Revelation 11:15.

  • The way things de happen for this world de show say small time, the Kingdom go come. Jesus talk say before the Kingdom go bring peace, bad-bad things go de happen. People go de fight, food no go dey, ground go de shake de open.—Matthew 24:3, 7.

    All this things don de happen now. So make we know say, small time, God go end all this problem.

 THINK ABOUT THIS QUESTION

How life go be for paradise, when the Kingdom don come?

The answer dey for PSALM 37:29 and ISAIAH 65:21-23.

Learn More

GOD GET GOOD NEWS FOR YOU!

How God Want Make This Earth Be?

Bible de talk why God make this earth, when people no go suffer again, and how this earth go be.