Jump go content

Jump go the other things wey dey

Skip go table of contents

Jehovah Witness

Pidgin (West Africa)

God Get Good News For You!

 LESSON 8

Why God Leave-am Make Bad Things De Happen?

Why God Leave-am Make Bad Things De Happen?

1. How bad things start?

God don really give people chance to show say they no fit remove the problem wey we de face

Bad things start when Satan talk the first lie. Before-before, Satan na good angel and e dey perfect, but ‘e no use e heart support the truth.’ (John 8:44) E want the worship wey people de give God. Satan lie for Eve, the first woman, e tell Eve say make e no obey God. Wetin Satan talk push Eve sotey, e obey Satan. After, Adam join Eve. Na this thing wey Adam do de make people today de suffer and de die.Read Genesis 3:1-6, 19.

Wetin Satan really want, the time wey e tell Eve say make e no obey God? E no want make any person worship God. E want make they believe say God no fit rule them well. Plenty people don join Satan, and them no want make God rule them. Na so Satan come be the ‘person wey e de control this world.’Read John 14:30; 1 John 5:19.

2. Na the things wey God make no good?

The things wey God make no get any mistake. If people and angels really want obey God, they fit do-am well. (Deuteronomy 32:4, 5) When God make us, e do-am make we fit choose wetin we like. We fit choose whether we go do good or bad thing. Na e make we get chance to show whether we really love God or we no love God.Read James 1:13-15; 1 John 5:3.

3. Why God leave-am make we de suffer till now?

For some time now, Jehovah don leave Satan make e do wetin e like. Why? Because na this one go show say na only God fit rule this world. (Ecclesiastes 7:29; 8:9)  Now, 6,000 years don pass wey people don de try to rule theirself. All the people wey don de rule don fail. They no fit stop the way people de sick. They no fit stop suffer-suffer, war, and all the other bad things wey we de see today.Read Jeremiah 10:23; Romans 9:17.

God no fit de rule and bad-bad things de happen. If you support God government, you go enjoy-am. (Isaiah 48:17, 18) Small time, Jehovah go scatter all the government for this world. The only people wey God go leave for this earth na the people wey don choose God make e rule them.Isaiah 11:9.Read Daniel 2:44.

4. Now wey God still de wait, wetin we fit de do?

Satan talk say we de worship Jehovah because e de give us something. You fit show say the thing wey Satan talk na big lie! Now wey God still de wait, we fit use this time show whether we want make God rule or make man de rule. Na the way we de live our life go show-am.Read Job 1:8-12; Proverbs 27:11.

5. Wetin we go do if we want make God de rule us?

The things wey we de do go show whether we want make God rule us

We go de follow wetin Bible talk, and worship God for the way e want-am. (John 4:23) If we follow the example wey Jesus show us, and we no put hand for politics and war, we go de show say we no want Satan and e government.Read John 17:14.

Satan de use e power and de make people think say the bad-bad things wey them de do, no really bad. Some of our friends and family people go vex if we no join them do wetin them de do. (1 Peter 4:3, 4) So na we go choose. Who we go support? We go do the things wey God want? Satan talk say if we face problem, we no go obey God. So, if we obey God, we don prove-am say wetin Satan talk na big lie.Read 1 Corinthians 6:9, 10; 15:33.

We dey sure say bad things and suffer go end because of the kind love wey God get for us. If you show say na only God you de support, you go enjoy life for this earth forever.Read John 3:16.