1. Even if person don die, which good news we still get?
Jesus travel go Bethany near Jerusalem. E get one friend for there. E name na Lazarus. E two sisters na Martha and Mary. Before Jesus reach Bethany, Lazarus don die for four days. Jesus follow Martha and Mary go the place wey they bury Lazarus. Quick-quick, plenty people don gather. Jesus do miracle, e bring Lazarus back to life. How you think say Martha and Mary feel when they see their brother again?
Martha don already know the good news. E know say even if person die, e fit come back to life. E know say Jehovah go bring people back to life make they live for this earth again.
2. When person die, e de go live for another place?
Jehovah make us with sand-sand. (Genesis 2:7; 3:19) We no be spirit. The kind body wey we get na flesh and blood. So if we die, na everything for our body de die, even our brain. We no go de remember anything again. Na e make Lazarus no talk say after e die, e go live for another place. When person die, e no de know anything again.
When people die, God de punish them for fire? Bible don already tell us say when person die, e no know anything again. E mean say hellfire na lie-lie story wey people de teach. They just de blame God, but God no go ever do this kind thing. To even de punish people for fire na something wey God no like at all.
3. When person don die, e fit still de talk to us?
When person die, e no fit talk and e no fit hear anything. (Psalm 115:17) But some wicked angels de talk to people. They go pretend like say na them be that person. (2 Peter 2:4) After person don die, we fit still ask that person question or tell-am something? No because Jehovah talk say make we no ever do that kind thing.
4. Na which people go come back to life?
Plenty people dey for grave now. They go come back to life again. Some people no know God until they die, and some don do plenty bad things. Even this kind people go still come back to life.
When all this people come back, they go learn about God and if they do wetin God talk, they go show say they get faith for Jesus. (Revelation 20:11-13) After, if they do wetin God want, they go enjoy life for this earth forever.