Jump go content

Jump go the other things wey dey

Skip go table of contents

Jehovah Witness

Pidgin (West Africa)

God Get Good News For You!


Wetin Be the Kingdom of God?

Wetin Be the Kingdom of God?

1. Wetin be the Kingdom of God?

Why Jesus be the correct King?MARK 1:40-42.

The Kingdom of God na government and na for heaven e dey. E go remove all the government for this world and na only that Kingdom go de rule. That government for heaven go do wetin God want make e happen for heaven and for this earth. This news na better one. So small time, God go bring better government and everybody go de happy. E go bring everybody together as one.Read Daniel 2:44; Matthew 6:9, 10; 24:14.

Every kingdom de get king. For the Kingdom of God, Jehovah don choose Jesus to rule as King.Read Revelation 11:15.

2. Why Jesus be the correct King?

Na Jesus be the correct King because e get good heart and e de always do wetin God want. (John 1:14) Jesus still get power to help everybody because na from heaven e go rule this earth. After Jesus die, God bring-am back to life. And when e go up for heaven, e sit-down near God and e wait for some time. (Hebrews 10:12, 13) When the time reach, God give Jesus power make e start de rule.Read Daniel 7:13, 14.

3. Who go rule with Jesus?

Some people go rule with Jesus for heaven. Bible talk say they be ‘holy people.’ (Daniel 7:27) Jesus get apostles when e dey this earth. Na them be the first people wey God choose. Jehovah still de choose good men and women to  rule with Jesus till today. Like Jesus, when they die, God de bring them back to life as spirit.Read John 14:1-3; 1 Corinthians 15:42-44.

How many people de go heaven? Jesus talk say na just small group. (Luke 12:32) Na 144,000 people. They go rule this earth with Jesus.Read Revelation 14:1.

4. Wetin happen when Jesus start to rule?

When Jesus start to rule for 1914, the first thing wey e do na to drive Satan and the demons comot for heaven. * Satan vex, and since that time na so-so problem e de cause for this world. (Revelation 12:7-10, 12) People de sick, war dey everywhere, and ground de shake de open. All this one na sign say small time the Kingdom go de control this earth.Read Luke 21:7, 10, 11, 31.

5. Wetin the Kingdom de do now, and wetin e go do for future?

The Kingdom don de gather people for the whole world to live as one. This one de happen as we de preach. Plenty people de listen to the good news, and they don de support Jesus as their King. This people no go die when God go destroy wicked people. If you want get the blessing wey the Kingdom of God go bring, make you de obey Jesus.Read Revelation 7:9, 14, 16, 17.

Jesus go rule for 1,000 years. For that time, e go change this earth to paradise. After the 1,000 years don end, Jesus go give the Kingdom back to God. (1 Corinthians 15:24-26) You get any person wey you want make e hear this good news?Read Psalm 37:10, 11, 29.


^ par. 6 How we know say the Kingdom of God start to rule for 1914? Go check this book What Can the Bible Teach Us? page 217-220