Jump go content

Jump go the other things wey dey

Skip go table of contents

Jehovah Witness

Pidgin (West Africa)

God Get Good News For You!


Wetin Be the Good News?

Wetin Be the Good News?

1. Which good news God get for you?

God want make people enjoy life for this world. E make this earth and everything for inside because e really love people. Small time, God go make this world better for everybody and people no go suffer again.Read Jeremiah 29:11.

For this world people de sick and them de die, people de fight war and no government fit stop all this things. But good news dey. Small time, God go remove all government for this world and e go put e own. When that time come, everybody go de enjoy peace and people no go de sick again.Read Isaiah 25:8; 33:24; Daniel 2:44.

2. Why this good news dey important now?

When God don remove bad people for this world, people no go de suffer again. (Zephaniah 2:3) Which time that one go happen? All the problem wey we de see for this world, Bible don talk-am before say na so e go be. As all this things de happen now, e de show say the time wey God go destroy bad people don near.Read 2 Timothy 3:1-5.

3. Wetin we go do now?

Make we study Bible so that we go know more about God. Bible be like letter from good papa. E de teach us wetin we go do if we want enjoy life now and still enjoy life for paradise forever. Na true say some people no go like-am as you de study Bible. But the kind life wey you go enjoy for paradise go really sweet, abeg no miss-am.Read Proverbs 29:25; Revelation 14:6, 7.