1. How you go gain if you continue de study Bible?

We know say as you don learn some important things inside Bible, your love for Jehovah don really strong. Continue to do wetin go make this love de grow. (1 Peter 2:2) If you want live forever, e go good make you continue de near God. And you go fit do this one when you de study Bible.Read John 17:3; Jude 21.

As you de know God more-more, na so your faith go de strong. Faith go help you do wetin God like. (Hebrews 11:1, 6) E go make you repent and change the way wey you de live your life.Read Acts 3:19.

2. How wetin you know about God fit help other people?

You and Jehovah fit be special friend

Everybody like good news. And e dey normal say you go want tell people the things wey you don learn for Bible. As you continue your study, you go learn how you fit use Bible explain your faith and tell people the good news.Read Romans 10:13-15.

Some people de first preach for their family and their friends. But use your sense, no just tell them say their religion no correct. Instead, e go better make you tell them about the things wey God don promise. Make you still know say people fit forget the things wey you talk, but they no go ever forget your good character.Read 2 Timothy 2:24, 25.

3. Which kind friendship you fit enjoy with God?

If you de study Bible, you go know God well. E no end for there, you go be special friend of God. You fit even be part of e family.Read 2 Corinthians 6:18.

 4. How you fit continue to learn about God.

You fit know more about God if you continue to study Bible. (Hebrews 5:13, 14) Tell any Jehovah Witness make e study Bible with you. E go use this book study with you: What Can the Bible Teach Us? As you de study Bible more-more, na so your life go de better.Read Psalm 1:1-3; 73:27, 28.

Jehovah na happy God, and na e get the good news. You go near God if you de gather with e people. (Hebrews 10:24, 25) If you de try do wetin go make Jehovah happy, you go live forever. To near God na the best thing wey you fit do.Read 1 Timothy 1:11; 6:19.