Jump go content

Skip go table of contents


How We Fit Gain From Bible Advice?

How We Fit Gain From Bible Advice?

1. Why we need help?

How Bible advice fit help us make we no put our life for danger?PSALM 36:9.

We no get sense reach God because na e make us. E love us as papa de love e pikin. When e make us, e no want make we de direct ourself. (Jeremiah 10:23) As small pikin need help from e papa and mama, na so we need help from God. (Isaiah 48:17, 18) Advice from Bible de help us and na gift from God.Read 2 Timothy 3:16.

Law and advice from Jehovah de teach how we fit live better life now and e de show how we fit live forever. Since life come from God, e go make sense if we follow wetin God talk inside Bible.Read Psalm 19:7, 11; Revelation 4:11.

2. Wetin be Bible advice?

Bible advice na simple truth wey we de learn from Bible. But Law na direct command. (Deuteronomy 22:8) If we want do something, we must think well to understand how some Bible advice go work for the thing wey we want do. (Proverbs 2:10-12) For example, Bible de teach say life na gift from God. This truth fit make us de protect ourself when we de work, when we de travel, and when we dey house. E de help make we no put our life for danger.Read Acts 17:28.

3. Wetin be the two important Bible advice?

Jesus talk about two important Bible advice. The first one de show the reason why people de live. The reason na; to know God, love-am and worship-am well. Before we choose any thing wey we want do, we must remember this first advice. (Proverbs 3:6) People wey  they follow this advice go make God their friend. They go de happy and they go live forever.Read Matthew 22:36-38.

The second advice fit help make we de treat people well. (1 Corinthians 13:4-7) If we want follow this advice, we go treat people as God de treat them.Read Matthew 7:12; 22:39, 40.

4. How we fit gain from Bible advice?

Bible advice de teach family how they fit love theirself and dey together. (Colossians 3:12-14) Bible still de teach say make husband and wife no end their marriage.Read Genesis 2:24.

If we de follow Bible advice, e fit help us protect the things wey we get and we go de behave well. For example, when person get workers, e de like-am when them de work hard and de talk true. (Proverbs 10:4, 26; Hebrews 13:18) Bible still de teach say na the things wey we need for life dey important, and say make we no like money and property pass God.Read Matthew 6:24, 25, 33; 1 Timothy 6:8-10.

When we follow Bible advice, e fit protect our body and we go dey strong. (Proverbs 14:30; 22:24, 25) For example, when we follow the law wey God give say make we no de overdrink, e go protect us make we no die from sickness and accident. (Proverbs 23:20) Jehovah allow make we drink alcohol but e no want make we de drink too much. (Psalm 104:15; 1 Corinthians 6:10) Advice wey God de give de help, because e de teach us make we dey careful with the things wey we de do and wetin we de think. (Psalm 119:97-100) But true Christians no de only respect Bible advice because e de help them. Them de do-am because them de respect Jehovah.Read Matthew 5:14-16.