You think say na . . .
SEE WETIN BIBLE TALK
‘People go de happy if them de hear wetin God talk and them de do-am.’—Luke 11:28, New World Translation.
HOW WETIN BIBLE TALK FIT HELP YOU
Husband go love e wife.—Ephesians 5:28, 29.
Wife go respect e husband.—Ephesians 5:33.
Everybody for family go trust theirself.—Mark 10:6-9.
WE FIT TRUST WETIN BIBLE TALK?
Yes, make we see two reason:
Na God start family. Bible talk say ‘every family get their name’ from Jehovah. (Ephesians 3:14, 15) That one mean say, na Jehovah start family. Why that one dey important?
Just think say you de chop food wey you like and you want know wetin they use cook-am, who you go ask? No be the person wey cook-am?
Na so e be with family, if we want know wetin go make family happy, na Jehovah we go ask because na e start family.—Genesis 2:18-24.
God de care for you. E go better make family follow wetin Jehovah talk for inside Bible. Why? ‘Because e de care’ for them. (1 Peter 5:6, 7) Jehovah get you for mind, and wetin e talk for inside Bible de work.—Proverbs 3:5, 6; Isaiah 48:17, 18.
THINK ABOUT THIS QUESTION
How you fit be better husband, better wife or better mama and papa?
The answer dey for EPHESIANS 5:1, 2 and COLOSSIANS 3:18-21.