You go talk say . . .
I no sure?
SEE WETIN BIBLE TALK
‘People wey them don die go come back to life.’—Acts 24:15, New World Translation.
HOW WETIN BIBLE TALK FIT HELP YOU
We no go worry too much because we know say the person go come back.—2 Corinthians 1:3, 4.
We no go de fear say one day we go die.—Hebrews 2:15.
We go get hope say when people wey we love come back to life, we go see them again.—John 5:28, 29.
WE FIT TRUST WETIN BIBLE TALK?
Yes, make we see three reason:
Na God de give life. Bible talk say na Jehovah God ‘de give life.’ (Psalm 36:9; Acts 17:24, 25) Since na Jehovah de give life, if person die, e fit still give the person life again.
God don do-am before. For inside Bible God bring eight different people back to life. Some of them na young people, old people, man and woman. They never bury some of them before God bring them back to life. But one person die and Jesus bring the person back to life after four days.—John 11:39-44.
God really want do-am again. As people de die Jehovah no like-am. E de see death as enemy. (1 Corinthians 15:26) God really want make people no de die again. Some people don die and God de remember them. E really want bring them back to life.—Job 14:14, 15.
THINK ABOUT THIS QUESTION
Why we de old and why we de die?
The answer dey for GENESIS 3:17-19 and ROMANS 5:12.