Jump go content

Jump go the other things wey dey

Jehovah Witness

Pidgin (West Africa)

Na Who De Really Control This World?

Na Who De Really Control This World?

You think say na . . .

  • God?

  • people?

  • Satan?

 SEE WETIN BIBLE TALK

‘Na the wicked person de control the whole world.’—1 John 5:19, New World Translation.

‘The Son of God come, to destroy all the work wey Devil don do.’—1 John 3:8.

HOW WETIN BIBLE TALK FIT HELP YOU

E explain why problem plenty for this world.—Revelation 12:12.

E give us better reason to believe say this world go better.—1 John 2:17.

 WE FIT TRUST WETIN BIBLE TALK?

Yes, make we see three reason:

  • Small time, Satan no go rule again. Jehovah really want stop Satan make e no rule the world again. E promise say e go destroy the Devil. And Jehovah go remove all the problem wey Satan don cause.—Hebrews 2:14.

  • God don choose Jesus Christ make e rule this world. Na Satan de rule this world now. E wicked and e no de care about other people. But Jesus no be like that at all. God talk say when Jesus go de rule, ‘E go pity poor and common people. E go save them from wicked people.’—Psalm 72:13, 14.

  • God no fit lie. E dey clear for Bible say ‘nothing fit make God lie.’ (Hebrews 6:18) When Jehovah promise say e go do something, e must do-am! (Isaiah 55:10, 11) God ‘go remove the person wey de rule this world.’—John 12:31.

 THINK ABOUT THIS QUESTION

How this world go be when they don remove Satan?

The answer dey for PSALM 37:10, 11 and REVELATION 21:3, 4.

Learn More

GOD GET GOOD NEWS FOR YOU!

How God Want Make This Earth Be?

Bible de talk why God make this earth, when people no go suffer again, and how this earth go be.