Sigui pa e contenido

Con e Obra di Testigonan di Jehova Ta Ser Financia?

Con e Obra di Testigonan di Jehova Ta Ser Financia?

Nos trabou ta ser financia principalmente pa medio di contribucionnan boluntario di testigonan di Jehova. Na nos reunionnan no ta pasa collect, y nos miembronan no mester paga diesmo. (Mateo 10:7, 8) Loke si nos tin na nos luganan di reunion ta cahanan di contribucion den cua ken cu ta desea por tira su donacion. No ta anuncia kico un hende a duna.

Nos gastonan no ta halto. Dicon no? Na prome luga, nos no tin pastoor of otro lider religioso cu ta haya un salario. Ademas, testigonan di Jehova no ta ricibi pago pa bay di cas pa cas, y nos luganan di reunion ta simpel.

Tur donacion cu e sucursalnan di testigonan di Jehova ta haya ta bay den un fondo pa yuda victima di desaster natural, sostene nos misioneronan y sirbidornan biahero, yuda construi luganan di reunion den paisnan di menos recurso y imprimi y manda Bijbel of otro publicacion biblico rond mundo.

Cada persona ta dicidi pa su mes si e kier haci un donacion pa cubri gastonan local, pa e obra mundial of pa ambos. Tur luna cada congregacion ta prepara un relato financiero pa informa su miembronan.