Sigui pa e contenido

Sigui pa e di dos menu

Testigonan di Jehova

Papiamento (Aruba)

Kico un Curso di Bijbel Ta Encera?

Kico un Curso di Bijbel Ta Encera?

Testigonan di Jehova ta ofrece un curso di Bijbel cu ta contesta varios pregunta, manera:

  • Ken Dios ta?

  • Dios ta realmente interesa den mi?

  • Con mi por ta un mihor esposo of esposa?

  • Con mi por haya felicidad den bida?

Akibou bo ta haya contesta riba pregunta cu hopi hende sa haci tocante nos cursonan di Bijbel.

Con boso ta duna un curso di Bijbel? Nos ta trata un topico manera “Dios” of “matrimonio” y analisa e diferente textonan di Bijbel cu tin di haber cu e topico. Ora nos compara e textonan aki cu otro, nos por mira kico Bijbel den su totalidad ta siña riba e topico aki, y di e manera ey nos ta laga Bijbel splica su mes.

Nos ta uza e buki Kico Bijbel Ta Siña Realmente? durante e curso di Bijbel. E buki aki ta splica na un manera cla y comprendibel kico Bijbel ta siña tocante topiconan manera Dios, Hesus y nos futuro.

Cuanto un curso di Bijbel ta costa? E curso ta gratis, y nos no ta cobra pa e bukinan.

Cuanto tempo un les ta dura? Hopi hende ta dedica mas of menos un ora pa siman pa studia Bijbel cu nos. Pero nos ta flexibel, y nos ta adapta nos mes na bo circunstancia.

Kico ta pasa ora mi pidi un curso di Bijbel? Un testigo di Jehova lo bishita bo riba un dia y na un ora cu bo ta prefera pa mustra bo den un par di minuut con un curso di Bijbel ta bay. Y si bo gusta, bo por cuminsa e curso.

Si mi acepta un curso di Bijbel, esey kiermen cu mi tin cu bira un testigo di Jehova? No. Testigonan di Jehova ta gusta siña otro hende tocante Bijbel, pero nos no ta forsa ningun hende pa bira un miembro di nos religion. Mas bien, na un manera respetuoso nos ta splica hende kico Bijbel ta siña, y nos ta consciente cu tur hende tin derecho pa dicidi pa su mes den kico e kier kere.—1 Pedro 3:15.