Sigui pa e contenido

Sigui pa e di dos menu

Testigonan di Jehova

Papiamento (Aruba)

Dicon Testigonan di Jehova No Ta Celebra Pasco di Resureccion?

Dicon Testigonan di Jehova No Ta Celebra Pasco di Resureccion?

Algun idea robes

Mito: Testigonan di Jehova no ta celebra Pasco di Resureccion pasobra nan no ta cristian.

Realidad: Nos ta kere cu Hesucristo ta nos Salbador y nos ta haci esfuerso pa “sigui su pasonan fielmente.”—1 Pedro 2:21; Lucas 2:11.

Mito: Boso no ta kere cu Hesus a ser resucita.

Realidad: Nos ta kere den Hesus su resureccion y nos ta convenci cu esaki ta un siñansa fundamental di nos fe cristian. Ademas, esaki ta un parti importante di e mensahe cu nos ta predica.—1 Corintionan 15:3, 4, 12-15.

Mito: Boso ta stroba boso yiunan di disfruta di e fiestanan di Pasco di Resureccion.

Realidad: Nos ta stima nos yiunan, y nos ta haci esfuerso pa educa nan y yuda nan pa nan por ta feliz.—Tito 2:4.

Dicon testigonan di Jehova no ta celebra Pasco di Resureccion?

  • Pasco di Resureccion no ta basa riba Bijbel.

  • Hesus a instrui nos pa recorda su morto, no su resureccion. Nos ta recorda su morto tur aña riba e fecha cu el a muri segun e calendario lunar di tempo biblico.—Lucas 22:19, 20.

  • Nos ta kere cu e origen di Pasco di Resureccion, cu ta bin di ritonan di fertilidad antiguo, ta hacie inaceptabel pa Dios. E kier pa nos dun’e “devocion exclusivo”, y e ta sintie ofendi si nos adoracion na dje ta inclui practicanan cu e no ta aproba.—Exodo 20:5, New World Translation; 1 Reynan 18:21.

Nos ta convenci cu nos decision pa no celebra Pasco di Resureccion ta firmemente basa riba Bijbel. E ta anima nos pa uza “sabiduria sano y discrecion” en bes di djis sigui tradicion di hende. (Proverbionan 3:21; Mateo 15:3) Aunke nos ta splica nos opinion tocante Pasco di Resureccion ora hende puntra nos, nos ta respeta cada persona su derecho di dicidi kico e lo kier hasi.—1 Pedro 3:15.

 

Mas Informacion

DIOS TIN BON NOTICIA PA NOS!

Con Bo Por Sa Cua Ta e Religion Berdadero?

Ta un religion berdadero so tin? E les ta trata cinco caracteristica cu ta yuda nos identifica adoracion berdadero.