Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  Num. 3 2017

 TOPICO PRINCIPAL | E CUATER JINETENAN—KI EFECTO NAN CAREDA TIN RIBA BO?

Bo Mester Ta Interesa den e Cuater Coredonan di Cabay?

Bo Mester Ta Interesa den e Cuater Coredonan di Cabay?

E cabaynan ta bula sali na careda, y nan patanan ta zona duro manera zonido di strena. E escena di e cabaynan poderoso cu nan coredonan ta pinta un cuadro asina bibo cu casi nan ta bula sali for di e paginanan di Bijbel. E prome cabay ta blanco, y su coredo ta un rey glorioso cu a caba di ser corona. Tras di dje ta bin un cabay color di candela, y su coredo ta kita paz for di riba Tera. Despues ta sigui e di tres cabay, e ta preto manera meyanochi, y su coredo tin un balansa den su man como un mensahe di spiertamento pa proclama cu lo no tin suficiente cuminda. Anto e di cuater cabay tin un color bleek, y e ta trece maleza y otro peligernan di morto. Su coredo ta Morto mes. Y Graf, es decir, e graf comun di humanidad, ta sigui net su tras y ta colecta e mortonan.—Revelacion 6:1-8.

“Mi a haya miedo e prome biaha cu mi a lesa tocante e cuater coredonan di cabay. Mi a sinti manera e Dia di Huicio tabata biniendo, y como cu mi no tabata prepara p’e, lo mi no a sobrevivi.”—Crystal.

“E cuater distinto coredonan di cabay riba cabaynan di diferente color a fascina mi. Ora mi a compronde loke e vision ta nifica, mi a hay’e logico.”—Ed.

Bo ta sinti loke Crystal a sinti ora el a lesa tocante e cuater jinetenan of coredonan di cabay? Of bo ta pensa manera Ed? En todo caso, e careda impresionante di e coredonan ey ta un di e escenanan mas conoci den Revelacion, e ultimo buki di Bijbel. Bo tabata sa cu bo por beneficia di e vision aki ora bo comprond’e? Con asina? Dios ta priminti cu bo por haya berdadero felicidad ora bo lesa e buki profetico aki, siña for di dje y biba di acuerdo cu e cosnan skirbi den dje.—Revelacion 1:1-3.

Aunke e vision di e cuater coredonan di cabay ta duna algun hende miedo, e no ta skirbi pa spanta bo. En realidad, miyones di hende a mira cu e vision aki ta fortalece nan fe y a hasta siña nan tocante un speransa pa un futuro briyante. Y e por tin e mesun efecto positivo riba abo tambe. E siguiente articulo lo duna mas detaye.