Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  Num. 1 2017

 TOPICO PRINCIPAL | CON BO POR BENEFICIA MAS DI BO LESAMENTO DI BIJBEL?

Kico Lo Haci Bo Lesamento di Bijbel Mas Interesante?

Kico Lo Haci Bo Lesamento di Bijbel Mas Interesante?

Kico bo ta pensa di lesamento di Bijbel? Esaki ta algo laf of placentero? Hopi ta depende di e manera cu bo ta lesa. Ban wak con bo por haci bo lesamento di Bijbel mas interesante y placentero.

Scoge un traduccion di Bijbel moderno y confiabel. Si bo ta lesa un traduccion cu ta contene varios palabra dificil of anticua cu bo no conoce, probablemente lo bo no disfruta dje hopi ey di bo lesamento. Pesey, scoge un traduccion cu ta uza palabranan cu ta facil pa compronde y cu ta touch bo curason. Pero na mes momento, e mester ta un traduccion cu ta exacto y confiabel. *

Uza tecnologia moderno. Awendia, Bijbel ta disponibel no solamente como un buki imprimi sino tambe den formato digital. Bo por lesa Bijbel online of download e riba bo computer, tablet of celular. Algun version di Bijbel ta contene herment adicional cu por yuda bo wak varios texto cu tin di haber cu un cierto tema, of hasta compara e textonan ey cu diferente otro traduccion. Anto si bo ta prefera di scucha Bijbel en bes di les’e, bo por scucha grabacion di e lesamento cu ta disponibel den diferente idioma. Hopi hende ta gusta scucha lesamento di Bijbel ora nan ta den bus, ta laba paña of ta haci otro actividad cu no ta stroba nan di scucha. Dicon no purba un metodo cu ta cumbini abo?

Busca mas informacion. Tin varios publicacion y material cu por yuda bo beneficia mas di bo  lesamento di Bijbel. Por ehempel, tin mapa di teranan biblico cu lo yuda bo haya sa unda un luga ta situa y compronde e secuencia di e sucesonan menciona den un relato particular. Ademas, algun articulo, manera esnan den e revista aki of den e seccion “Loke Bijbel Ta Siña” riba e website jw.org, por yuda bo compronde hopi parti di Bijbel.

Uza diferente metodo. Si bo no ta haya cu lesamento di Bijbel di kaft pa kaft ta dje interesante ey, ta mihor bo cuminsa lesa un parti cu ta interesa abo mas. Si bo kier haya sa mas tocante hende bon conoci den Bijbel, lo ta bon pa bo lesa informacion adicional tocante cada persona. Den e cuadro “ Siña Mas Tocante Hende Cu Bijbel Ta Menciona” bo por haya ehempel di e metodo aki di lesa Bijbel. Of kisas bo por lesa Bijbel a base di topico of segun e orden den cua sucesonan a tuma luga. Pakico no purba un di e metodonan aki.

^ par. 4 Hopi hende ta haya cu e Traduccion di Mundo Nobo di e Santo Scritura ta exacto, confiabel y facil pa lesa. Testigonan di Jehova a produci e traduccion aki, y e ta disponibel den mas cu 130 idioma. Bo por download e for di e website jw.org of download e JW Library app. Of si bo ta prefera, testigonan di Jehova por trece un Bijbel na bo cas pa bo.