Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  November 2015

Pregunta Cu Bijbel Ta Contesta

Pregunta Cu Bijbel Ta Contesta

E mortonan lo bolbe biba?

Sin duda, e Creador por resucita hende

Jehova Dios ta “e fuente di bida.” (Salmo 36:9) Pesey, ta logico cu e por lanta hende for di morto. Y Bijbel ta priminti nos cu e lo haci esey den futuro. (Lesa Echonan 24:15) Pero pakico Dios ta desea di resucita hende?

Na principio nos Creador tabata kier pa hende biba pa semper riba Tera. (Genesis 1:31; 2:15-17) Y su deseo no a cambia. Dios ta haya masha duele ora e mira con nos bida ta actualmente: hopi cortico y yen di problema.—Lesa Job 14:1, 14, 15.

Na unda esnan cu resucita lo bay biba?

Acaso Dios a crea hende pa biba den cielo? No. Dios a crea angel pa biba den cielo. Y el a crea hende pa biba riba Tera. (Genesis 1:28; Job 38:4, 7) Cu esey na mente, pensa un rato riba e hendenan cu Hesus a resucita. Na unda el a resucita nan? Aki riba Tera, no ta berdad? Asina tambe, mayoria di hende cu resucita den futuro lo resucita pa biba aki riba Tera.—Lesa Juan 5:28, 29; 11:44.

Sinembargo, Dios a scoge algun hende pa biba den cielo. Ora e resucita nan, nan lo haya un curpa spiritual. (Lucas 12:32; 1 Corintionan 15:49, 50) Esnan cu haya resureccion pa biba den cielo lo goberna e Tera hunto cu Cristo.—Lesa Revelacion 5:9, 10.