Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  November 2015

 TOPICO PRINCIPAL | KICO DIOS TA PENSA DI GUERA?

Dios Su Punto di Bista Tocante Guera den Nos Tempo

Dios Su Punto di Bista Tocante Guera den Nos Tempo

Awendia tambe hopi hende ta sufri maltrato. Nan ta sclama bes tras bes na Dios pa haya alivio y ta puntra nan mes si algun dia Dios lo yuda nan. Abo ta kere cu Dios ta scucha nan suplica? Y kico di esnan cu ta participa den guera pa caba cu inhusticia? Bo ta kere cu Dios ta pensa cu nan tin motibo valido pa haci esey?

E guera di Armagedon lo pone un fin na tur guera

Un cos ta sigur: Dios ta mira e sufrimento cu tin den mundo, y e ta bay trece un cambio. (Salmo 72:13, 14) Den Bijbel, Dios ta priminti cu lo e “duna alivio na [esnan] cu ta wordo afligi.” Na ki tempo? “Ora Señor Hesus wordo manifesta for di cielo cu su angelnan poderoso ... pa duna pago mereci na esnan cu no conoce Dios y na esnan cu no ta obedece e evangelio di nos Señor Hesus.” (2 Tesalonicensenan 1:7, 8, BS) E manifestacion of revelacion ey di Hesus lo sosode den futuro. Bijbel ta yama e revelacion aki “e guera ... [di] e gran dia di Dios, e Todopoderoso”, of Armagedon.—Revelacion 16:14, 16.

Den e guera di Armagedon, Dios lo no uza hende pa bringa contra e malbadonan. Mas bien, e lo uza su Yiu Hesucristo hunto cu otro criaturanan spiritual poderoso. E ehercito celestial aki lo pone un fin na tur maltrato y sufrimento.—Isaias 11:4; Revelacion 19:11-16.

Pues, Dios su punto di bista tocante guera no a cambia. Dios ainda ta considera guera como un medio valido pa defende su sirbidornan y pa caba cu opresion y maldad. Pero mescos cu den pasado,  Dios so ta determina ken lo bay guera y ki ora un guera asina lo tuma luga. Manera nos a mira, Dios a dicidi cu den futuro e lo caba cu maldad y sufrimento den e guera di Armagedon. Y tambe el a determina ken ta bay bringa den e guera aki: su Yiu Hesucristo. Esey kiermen cu e gueranan di awendia no tin Dios su aprobacion ni maske con bon e motibonan por parce.

Laga nos wak un ehempel: Imagina cu dos ruman homber ta cuminsa pleita ora nan tata no ta na cas. Nan ta stop di pleita pa un rato y ta yama nan tata na telefon. Un di nan ta bisa cu e otro a cuminsa, y e otro ta keha cu su ruman a trat’e malo. Tur dos kier pa nan tata tuma parti pa nan. Sinembargo, despues di tende tur dos banda di medaya, e tata ta bisa nan pa stop di pleita y pa nan warda te ora e yega cas pa resolve e asunto. Nan ta obedec’e pa un rato. Pero despues, nan ta cuminsa pleita atrobe. Ora e tata yega cas, e ta rabia cu tur dos y ta straf nan pasobra nan a desobedec’e.

Den nos tempo, e nacionnan cu ta den guera cu otro regularmente ta pidi Dios pa yudansa. Pero Dios no ta tuma parti pa ningun di nan pasobra Bijbel ta bisa bon cla: “No paga malo cu malo” y “No tuma venganza.” (Romanonan 12:17, 19) Ademas, el a duna nos instruccion pa “warda cu pasenshi riba dje” pa e tuma accion den e guera di Armagedon. (Salmo 37:7) E nacionnan cu ta dicidi di bay guera en bes di warda pa Dios tuma accion ta desobedec’e y ta ofend’e. E ta mira e gueranan ey como un falta di respet. Pesey, den e guera di Armagedon, Dios lo expresa su rabia y caba cu tur conflicto cu tin na mundo pa semper. Bijbel ta bisa cu e lo “kaba ku guera tur kaminda riba mundu.” (Salmo 46:9, BPK; Isaias 34:2) Si, Dios su guera di Armagedon lo pone un fin na tur guera.

E Reino di Dios lo caba cu tur guera. Hesus a papia di e gobierno aki den e oracion di Nos Tata: “Laga bo Reino bini. Laga bo boluntad sosode, mescos cu den cielo, tambe riba Tera.” (Mateo 6:10) E Reino di Dios lo no caba solamente cu guera sino tambe cu loke ta causa guera: maldad. * (Salmo 37:9, 10, 14, 15) Pesey Hesus su siguidornan ta spera ansiosamente riba e tantisimo bendicionnan cu e Reino di Dios lo trece.—2 Pedro 3:13.

Pero cuanto tempo mas nos lo mester warda pa Dios pone un fin na tur sufrimento, maltrato y maldad? E echo cu profecia di Bijbel ta cumpliendo ta mustra cu nos ta bibando “den e ultimo dianan” di e mundo malbado aki. (2 Timoteo 3:1-5) * Kiermen pronto e Reino di Dios lo pone un fin na e mundo malbado mediante e guera di Armagedon.

Manera nos a bisa anteriormente, esnan cu muri den Armagedon ta esnan cu no ta “obedece e bon noticia tocante nos Señor Hesus.” (2 Tesalonicensenan 1:8) Pero no lubida, Dios no ta desea pa ningun hende muri, ni hende malbado. (Ezekiel 33:11) Y door cu “e no ta desea pa ningun hende ser destrui” den Armagedon, e ta haci sigur cu prome cu e fin yega e bon noticia tocante nos Señor Hesus “lo ser predica den henter e Tera habita, como testimonio pa tur nacion.” (2 Pedro 3:8, 9; Mateo 24:14; 1 Timoteo 2:3, 4) Si, como cu testigonan di Jehova ta predica rond mundo, hende ta haya e oportunidad pa siña conoce Dios, pa obedece e bon noticia tocante nos Señor Hesus y pa biba den un mundo caminda lo no tin guera mas.

^ par. 9 E Reino di Dios lo caba cu morto tambe, un di e enemigonan di mas grandi di humanidad. Manera nos lo trata den e articulo “Pregunta Cu Bijbel Ta Contesta” den e edicion aki, Dios lo resucita un gran cantidad di hende. Y entre nan lo tin hopi hende cu a muri den guera.

^ par. 10 Pa mas informacion tocante e ultimo dianan, wak capitulo 9 di e buki Kico Bijbel Ta Siña Realmente? publica pa testigonan di Jehova.

Mas Informacion

E TOREN DI VIGILANCIA

E Berdadero Causante di Guera y Sufrimento

Con Bijbel ta conecta un guera cu a tuma luga den cielo cu e guera mundial y problema riba Tera?

PREGUNTA CU HOPI HENDE SA HACI

Pakico Testigonan di Jehova No Ta Participa den Guera?

Testigonan di Jehova ta mundialmente conoci pa nenga di participa den guera. Haya sa pakico nos ta tuma e posicion aki.