Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  September 2015

 TOPICO PRINCIPAL | SIÑA CONOCE TESTIGONAN DI JEHOVA

Kico Ta e Creencia di Testigonan di Jehova?

Kico Ta e Creencia di Testigonan di Jehova?

Testigonan di Jehova ta kere cu “henter e Scritura ta inspira di Dios y ta probechoso.” (2 Timoteo 3:16) Pesey nos, como testigo di Jehova, ta uza Bijbel como un guia practico pa yuda nos conoce e Creador y pa nos por tin un bida cu proposito.

Bijbel ta bisa: “Bo ta digno, Jehova, nos Dios, di ricibi alabanza pa bo gloria, honor y poder.” (Revelacion 4:11) Pesey mes como su Testigonan, nos ta adora Jehova Dios so y ta haci nos best pa yuda hende conoce su nomber.—Isaias 43:10-12.

Como cristian, nos ta kere cu Hesus, esta, “e Yiu di Dios”, * a bin na mundo y a bira e Mesias. (Juan 1:34, 41; 4:25, 26) Despues cu Hesus a muri, el a haya resureccion pa bay biba den cielo. (1 Corintionan 15:3, 4) Y cu tempo el a bira Rey di e Reino di Dios. (Revelacion 11:15) E Reino ey ta un gobierno real cu lo converti e Tera den un paradijs. (Daniel 2:44) Bijbel ta bisa: “E humildenan lo hereda e Tera, y lo deleita nan mes den paz abundante.”—Salmo 37:11, 29.

“Ora nan ta lesa Bijbel, ta comosifuera Dios ta papia cu nan. Ki ora cu un problema presenta den nan bida, nan ta busca un solucion den e Palabra di Dios ... Pa nan, e Palabra di Dios ta bibo.”—Benjamin Cherayath, kende ta un pastoor catolico, corant Aleman Münsterländische Volkszeitung

Ademas, testigonan di Jehova ta kere cu principionan di Bijbel por yuda hende den nos tempo tambe. (Isaias 48:17, 18) Pesey nos ta aplica principio biblico den nos bida. Por ehempel, nos no ta huma ni uza droga. Dicon no? Pasobra Bijbel ta bisa nos pa evita bicionan cu ta contamina nos curpa y nos mente. (2 Corintionan 7:1) Ademas, nos no ta practica loke Bijbel ta condena specificamente, manera bebemento di mas, inmoralidad sexual y hortamento.—1 Corintionan 6:9-11.

^ par. 5 Tambe Bijbel ta yama Hesus “e Yiu unigenito di Dios” pasobra Jehova a crea Hesus prome y e ta e unico cu Jehova a crea directamente.—Juan 3:18; Colosensenan 1:13-15.

Mas Informacion

PREGUNTA CU HOPI HENDE SA HACI

Testigonan di Jehova Ta Kere Cu Ta Nan So Tin e Religion Berdadero?

Hesus a yega di bisa cu tin hopi caminda cu ta hiba na salbacion?