Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  August 2015

Pregunta Cu Bijbel Ta Contesta

Pregunta Cu Bijbel Ta Contesta

Bida tin un proposito?

Bo sa sinti cu bida ta mucho cortico?

Bo a yega di puntra bo mes si e proposito di bida ta simplemente pa pasa dushi, casa, traha, cria famia y bira bieu? (Job 14:1, 2) Bijbel ta mustra cu tin hende hopi inteligente cu tambe a yega di haci nan mes e pregunta ey.—Lesa Eclesiastes 2:11.

Kico ta e proposito di bida? Na prome luga, nos mester haya sa con bida a cuminsa. Despues cu cientificonan a descubri con maraviyoso nos curpa y celebro ta, hopi hende a conclui cu mester tin un Ser sabi cu a crea nos. (Lesa Salmo 139:14.) Anto si esey ta e caso, lo e mester tin un bon motibo pakico el a crea nos. Ora nos haci esfuerso pa haya sa kico e motibo ey ta, nos lo haya berdadero proposito den bida.

Pakico Dios a crea hende?

Dios a bendiciona e prome pareha y a duna nan un trabou interesante. Su proposito tabata pa nan yena e Tera cu nan descendientenan, haci e Tera un paradijs y biba pa semper.—Lesa Genesis 1:28, 31.

Dicon Dios su proposito no a cumpli di biaha? Pasobra hende a desobedec’e. Acaso Dios su proposito a cambia? No, Bijbel ta sigura nos cu Dios ta haciendo tur loke ta posibel pa hende fiel por haya salbacion y pa e proposito cu e tin pa e Tera cumpli. Dios kier pa abo biba pa semper den Paradijs riba Tera. (Lesa Salmo 37:29.) Bijbel por siña bo kico bo tin cu haci pa bo por beneficia di esey.