Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  June 2015

Pregunta Cu Bijbel Ta Contesta

Pregunta Cu Bijbel Ta Contesta

Con bo por ta un bon mayor?

Bo ta siña bo yiunan pa stima Dios?

Un hogar caminda mayornan ta stima y respeta otro ta un ambiente ideal pa lanta un yiu. (Colosensenan 3:14, 19) Un bon mayor ta stima su yiunan y ta elogia nan mescos cu Jehova Dios a elogia su Yiu.—Lesa Mateo 3:17.

Nos Tata celestial ta scucha su sirbidornan y ta mustra interes den nan sintimentonan. Mayornan ta haci bon di siña for di Jehova y scucha nan yiunan. (Santiago 1:19) Nan mester respeta e sintimentonan di nan yiunan y compronde cu tin biaha e yiunan por reacciona malo.—Lesa Numbernan 11:11, 15.

Con bo por lanta bo yiunan pa nan ta responsabel?

Como mayor, bo tin derecho di pone regla pa bo yiunan. (Efesionan 6:1) Mescos cu Dios, mayornan tambe mester bisa nan yiunan bon cla kico ta nan reglanan y splica nan kico ta e consecuencianan si nan desobedece. Asina bo ta mustra amor na bo yiunan. (Genesis 3:3) Pero, Dios no ta forsa nos pa obedec’e; mas bien, e ta siña nos ki beneficio nos lo haya si nos haci loke ta corecto.—Lesa Isaias 48:18, 19.

Pone como meta pa yuda bo yiunan stima Dios. E ora ey nan lo comporta nan mes bon hasta ora nan no ta hunto cu bo. Mescos cu abo como mayor por siña for di Dios su ehempel, bo yiunan por siña for di bo ehempel pa stima Dios.—Lesa Deuteronomio 6:5-7; Efesionan 4:32; 5:1.

 

Mas Informacion

DIOS TIN BON NOTICIA PA NOS!

Con Bo Por Tin un Famia Feliz?

Jehova, e Dios feliz, kier pa famianan ta feliz. E les aki ta trata algun conseho practico cu Bijbel ta duna esposo, esposa y yiunan.

CON BO POR LOGRA FELICIDAD DEN FAMIA?

Cambionan Cu Ta Tuma Luga Ora un Baby Nace

Un baby por fortalece boso relacion?