Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  May 2015

Pregunta Cu Bijbel Ta Contesta

Pregunta Cu Bijbel Ta Contesta

Kico e Dia di Huicio ta?

Dicon e Dia di Huicio lo ta un tempo feliz?

Den tempo biblico, Dios a uza hues pa libra su pueblo di inhusticia. (Huesnan 2:18) Bijbel ta describi e binidero Dia di Huicio como un tempo feliz ora cu Jehova, e Hues di henter Tera, lo libra humanidad di inhusticia.—Lesa Salmo 96:12, 13; Isaias 26:9.

Dios a nombra Hesus pa haci husticia pa tanto e bibonan como e mortonan. (Echonan 10:42; 17:31) Hopi hende a muri sin conoce Dios. Durante e Dia di Huicio, Hesus lo lanta e hendenan ey for di morto pa nan conoce e Dios berdadero y stim’e.—Lesa Echonan 24:15.

Dicon e Dia di Huicio lo dura mil aña?

Bijbel ta bisa cu e mortonan lo ser lanta durante e mil añanan ey. (Revelacion 20:4, 12) Nan lo tin mester di tempo pa siña conoce Dios y obedec’e. Contrario na loke mayoria di hende ta kere, Bijbel ta mustra cu hende lo ser husga a base di loke nan haci despues cu nan lanta for di morto.—Lesa Romanonan 6:7.

Bijbel ta papia tambe di un otro dia di huicio cu lo bin diripiente prome cu e mil añanan ey cuminsa. Manera e prome articulonan di e revista aki a splica, e dia ey ta ser yama tambe e fin. Durante e dia ey, Dios lo caba cu tur hende malbado. (2 Pedro 3:7) Pesey nos tin cu haci esfuerso pa demostra nos amor pa Dios.—Lesa 2 Pedro 3:9, 13.