Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  February 2015

Pregunta Cu Bijbel Ta Contesta

Pregunta Cu Bijbel Ta Contesta

Lo yega un dia cu nos lo tin un solo gobierno pa henter mundo?

Con un solo gobierno pa henter mundo por uni hende di tur nacion? Isaias 32:1, 17; 54:13

Imagina bo con un solo gobierno pa henter mundo por beneficia humanidad. Awe hopi hende ta sufri pasobra nan ta masha pober, mientras cu otronan ta hopi rico. Pero un gobierno pa henter mundo cu ta compronde kico ta e necesidadnan di su ciudadanonan por percura pa nan tur haya loke nan tin mester pa biba. Bo ta kere cu un dia hende lo por forma un gobierno asina?—Lesa Jeremias 10:23.

A traves di historia, gobiernonan a faya den hopi manera cu nan ciudadanonan, specialmente cu esnan cu tin mas mester di yudansa. Algun gobierno ta inhumano. (Eclesiastes 4:1; 8:9) Pero Dios Todopoderoso a priminti di percura un gobierno cu lo reemplasa tur otro gobierno, y su Gobernante si lo percura pa hende.—Lesa Isaias 11:4; Daniel 2:44.

Kico e Reino di Dios lo logra?

Jehova Dios a scoge un Gobernante ideal pa henter mundo, esta, su Yiu, Hesus. (Lucas 1:31-33) Tempo Hesus tabata biba como hende riba Tera, e tabata cla pa yuda. Como Rey, lo e uni hende di tur nacion y caba cu tur sufrimento.—Lesa Salmo 72:8, 12-14.

Ta tur hende lo acepta Hesus como Gobernante? No! Pero Jehova tin pasenshi. (2 Pedro 3:9) E ta duna hende oportunidad pa acepta Hesus como nan Gobernante. Pronto Hesus lo caba cu mal hende for di riba Tera y trece paz y siguridad rond mundo.—Lesa Mikeas 4:3, 4.