Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  December 2014

 TOPICO PRINCIPAL | UN BON AMISTAD CU DIOS TA POSIBEL

Bo Sa Dios Su Nomber y Bo Ta Uz’e?

Bo Sa Dios Su Nomber y Bo Ta Uz’e?

Acaso un hende por tin un bon amigo anto e no sa su nomber? Imposibel toch? Pesey mes Irina di Bulgaria a bisa: “Ta imposibel pa bo ta amigo di Dios anto bo no sa su nomber.” Pero manera nos a mira den e articulo anterior, Dios kier pa nos hala cerca dje. Pesey, el a cera conoci cu nos, na moda di papia, ora el a introduci su mes den Bijbel, bisando: “Ami ta Jehova, esey ta mi nomber.”—Isaias 42:8, NW.

Dios a cera conoci cu nos, na moda di papia, ora el a introduci su mes den Bijbel, bisando: “Ami ta Jehova, esey ta mi nomber.”—Isaias 42:8NW

Pero di berdad Jehova ta haya cu ta importante pa nos sa su nomber y pa nos uz’e? Pensa riba esaki: E nomber di Dios—skirbi cu cuater letter Hebreo conoci como e Tetragramaton—ta aparece casi 7.000 biaha den e manuscritonan original di e Scritura Hebreo. Su nomber ta ser menciona mas cu cualkier otro nomber den Bijbel. Esaki ta mustra bon cla cu Jehova realmente kier pa nos sa su nomber y pa nos uz’e. *

Un amistad ta cuminsa ora bo cera conoci cu un persona y bis’e bo nomber. Abo sa e nomber di Dios?

Debi cu Dios ta santo y todopoderoso, algun hende ta pensa cu ta un falta di respet pa uza su nomber. Mescos cu lo bo no haci mal uzo di e nomber di un bon amigo, asina tambe lo no ta corecto pa trata e nomber di Dios cu falta di respet. Pero si bo ta uz’e bon, no tin nada malo den esey, pasobra Jehova mes kier pa tur hende cu ta stim’e honra su nomber y pa nan yuda otro hende conoce e nomber ey. (Salmo 69:30, 31; 96:2, 8) Corda tambe cu Hesus a siña su siguidornan pa pidi den oracion: “Nos Tata cu ta den cielo, bo nomber sea santifica.” Con nos por yuda santifica Dios su nomber? Door di yuda otro hende conoce su nomber. Esaki ta yuda nos hala mas cerca Dios.—Mateo 6:9.

Bijbel ta mustra cu Dios ta scucha hende “cu ta honra su nomber” cu extra atencion. (Malakias 3:16) Jehova Dios ta priminti e persona cu ta haci esey: “Lo mi proteh’e, pasobra e conoce mi nomber. E lo sclama na mi, y ami lo contest’e; lo mi ta cu ne den angustia; lo mi rescat’e y honr’e.” (Salmo 91:14, 15) Pues, si nos kier ta amigo di Dios, ta importante pa nos sa su nomber y pa nos uz’e.

^ par. 4 Lamentablemente, hopi traduccion di Bijbel no ta uza e nomber di Dios, a pesar cu e ta aparece asina tanto biaha den e Scritura Hebreo, mihor conoci como e Testament Bieu. Na su luga, nan ta uza titulonan manera “Señor” of “Dios.” Pa mas informacion tocante e tema aki, wak pagina 195 pa 197 di e buki Kico Bijbel Ta Siña Realmente? publica pa testigonan di Jehova.