Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  October 2014

 TOPICO PRINCIPAL | KICO E REINO DI DIOS POR HACI PA BO?

Dicon Bo Mester Ta Interesa den e Reino di Dios?

Dicon Bo Mester Ta Interesa den e Reino di Dios?

Miyones di hende rond mundo ta pone nan speransa den e Reino di Dios. Nan ta imita e ehempel di Hesus, kende a siña su siguidornan pidi den oracion: “Cu bo Reino bin. Cu bo boluntad sosode na Tera.”—Mateo 6:10, Beibel Santu.

Aunke hopi hende ta sumamente interesa den e Reino di Dios, mayoria di religion ta dun’e poco importancia. Relaciona cu esaki, e historiador H. G. Wells a haya ta remarcabel cuanto importancia Hesus a duna e siñansa di loke el a yama e Reino di Cielo, mientras cu pa mayoria di iglesia cristian e siñansa aki ta masha insignificante.

Na contraste cu e iglesianan ey, testigonan di Jehova ta pone hopi enfasis riba e Reino di Dios. Por ehempel, nos revista principal, cu bo ta lesando aworaki, ta ser publica den 220 idioma. Casi 46 miyon copia di cada edicion ta ser imprimi, locual ta haci e revista aki esun di mas distribui na mundo. Y kico ta e mensahe principal di e revista aki? Tuma nota di e titulo completo: E Toren di Vigilancia Anunciando e Reino di Jehova Dios.  *

Dicon testigonan di Jehova ta haci asina tanto esfuerso pa anuncia e Reino di Dios? Pa cuminsa, nos ta kere cu e Reino di Dios ta e tema principal di e buki di mas importante na mundo, esta, Bijbel. Ademas, nos ta convenci cu e Reino di Dios ta e unico solucion pa e problemanan cu humanidad ta enfrenta awe.

Testigonan di Jehova ta haci hopi esfuerso pa sigui Hesus su ehempel ora nan ta siña hende tocante e Reino di Dios. Tempo cu Hesus tabata riba Tera, el a pone e Reino na prome luga den su bida y sirbishi. (Lucas 4:43) Dicon e Reino tabata asina importante pa Hesus? Y kico e por nifica pa abo? Nos ta invita bo pa lesa e contestanan cu Bijbel ta duna riba e preguntanan aki den e siguiente articulonan.

^ par. 5 Bijbel ta bisa cu Dios su nomber ta Jehova.