Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  August 2014

Pregunta Cu Bijbel Ta Contesta

Pregunta Cu Bijbel Ta Contesta

Ta tur religion ta honra Dios?

Ora bo scucha noticia, probablemente bo a ripara cu tin biaha hende ta haci cosnan malo den nomber di religion. Pero no ta tur religion ta bin di e Dios berdadero. (Mateo 7:15) De echo, gran parti di humanidad a ser engaña.Lesa 1 Juan 5:19.

Sinembargo, Dios ta tuma nota di hende sincero cu ta stima loke ta bon y berdadero. (Juan 4:23) E ta invita hende asina pa siña e berdad for di Bijbel.Lesa 1 Timoteo 2:3-5.

Con bo por sa cua ta e religion berdadero?

Jehova Dios ta uni hende cu a bin di diferente religion. E ta siña nan tocante e berdad y e ta siña nan pa stima otro. (Mikeas 4:2, 3) Pues, bo por reconoce hende cu ta pertenece na e religion berdadero na e manera cu nan ta trata otro.Lesa Juan 13:35.

Jehova Dios ta uni tur sorto di hende mediante su adoracion berdadero.Salmo 133:1

E berdadero sirbidornan di Dios ta basa nan fe y manera di biba riba Bijbel. (2 Timoteo 3:16) Tambe nan ta honra e nomber di Dios. (Revelacion 4:11) Ademas, nan ta predica cu e Reino di Dios ta e unico speransa pa humanidad. (Daniel 2:44) Nan ta yuda nan prohimo y asina, mescos cu Hesus, nan ta laga nan “luz briya.” (Mateo 5:16) Pesey, ta facil pa reconoce e cristiannan berdadero na e trabou cu nan ta haci di bishita nan prohimo na cas pa comparti e bon noticia di e Reino di Dios.Lesa Mateo 24:14; Echonan 5:42; 20:20.

 

Mas Informacion

DIOS TIN BON NOTICIA PA NOS!

Kico Ta e Bon Noticia?

E les aki ta mustra ki bon noticia Dios tin pa nos, dicon ta urgente pa hende tende e bon noticia aki y kico nos mester haci.

Kico Bijbel Ta Siña Realmente?

Adoracion Cu Dios Ta Aproba

Analisa seis caracteristica cu ta identifica esnan cu ta practica e religion berdadero.