Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  August 2014

 TOPICO PRINCIPAL | DIOS TA INTERESA DEN BO?

Dios Ta Consola Bo

Dios Ta Consola Bo

“Dios, kende ta consola esnan cu ta deprimi, a consola nos.”2 CORINTIONAN 7:6.

“E Yiu di Dios ... a stima mi y a entrega su mes pa mi.”GALATIONAN 2:20

DICON TIN HENDE TA DUDA: Algun hende ta sinti cu ta egoista di nan parti pa pidi Dios pa yuda nan trata cu nan problemanan hasta ora nan mester di consuelo desesperadamente. Un señora cu yama Raquel a bisa: “Ora mi pensa riba e cantidad inmenso di hende na mundo cu ta confronta problemanan serio, mi problemanan ta mustra asina chikito cu mi ta duda si mi tin cu pidi Dios yudansa.”

LOKE BIJBEL TA SIÑA: Dios ya caba a yuda y consola hende na un manera masha remarcabel. Nos tur a nace den pica, pues ningun di nos no por cumpli cu tur Dios su rekisitonan. Pero, Dios “a stima nos y a manda su Yiu [Hesucristo] como un ofrenda pa haci paz cu Dios.” (1 Juan 4:10; wak nota den Tradukshon di Mundu Nobo di e Skritura Griego Kristian.) Mediante Hesus su sacrificio di rescate, Dios ta haci posibel pa nos haya pordon pa nos picanan, pa nos por tin un consenshi limpi y e speransa di bida eterno den un mundo nobo pacifico. * Pero e sacrificio aki ta unicamente pa humanidad en general of e ta refleha Dios su interes den bo personalmente?

Laga nos wak e ehempel di Pablo. E echo cu Hesus a sacrifica su bida pa humanidad a conmov’e asina tanto cu el a skirbi: ‘Mi ta biba pa medio di fe den e Yiu di Dios, kende a stima mi y a entrega su mes pa mi.’ (Galationan 2:20) Ta berdad cu Hesus a muri prome cu Pablo a bira un cristian. Pero Pablo a considera e sacrificio aki como un regalo cu Dios a dun’e personalmente.

Hesus su sacrificio di rescate ta Dios su regalo personal pa abo tambe. E regalo ey ta mustra con precioso bo ta pa Dios. E por duna bo ‘consuelo eterno y un speransa maraviyoso.’ Pues e por ‘consola bo y fortalece bo den tur bon obra y bon palabra.’—2 Tesalonicensenan 2:16, 17.

Pero Hesus a ofrece su bida como sacrificio casi 2.000 aña pasa. Kico ta mustra cu Dios kier tin un relacion cu bo awe?

^ par. 5 Si bo kier sa mas tocante Hesus su sacrificio, wak capitulo 5 di e buki Kico Bijbel Ta Siña Realmente? publica pa testigonan di Jehova.