Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  March 2014

Pregunta Cu Bijbel Ta Contesta

Pregunta Cu Bijbel Ta Contesta

Di ki manera e morto di Hesus ta beneficia nos?

Ora Dios a crea hende, su intencion tabata pa nan biba pa semper riba Tera sin bira malo y muri. Pero, e prome homber, Adam, a desobedece su Creador y a perde e oportunidad di biba pa semper. Como descendiente di Adam, nos a hereda morto for di dje. (Romanonan 5:8, 12; 6:23) E Dios berdadero, Jehova, a manda su Yiu, Hesus, na mundo pa entrega su bida pa nos por haya loke Adam a perde.—Lesa Juan 3:16.

Hesus su morto a habri caminda pa humanidad haya bida eterno. Con bo ta imagina cu bida eterno riba Tera lo ta?

E morto di Hesus a habri caminda pa nos haya pordon di pica y bida eterno. Bijbel ta duna nos un idea con bida riba Tera lo ta ora cu hende no ta bira bieu, bira malo ni muri mas.—Lesa Isaias 25:8; 33:24; Revelacion 21:4, 5.

Con nos mester recorda e morto di Hesus?

E anochi prome cu Hesus a muri, el a bisa su siguidornan pa recorda su morto mediante un ceremonia simpel. Ora nos ta conmemora Hesus su morto tur aña di e manera ey, nos ta haya un oportunidad pa reflexiona riba e gran amor cu Jehova y Hesus tin pa humanidad.—Lesa Lucas 22:19, 20; 1 Juan 4:9, 10.

E aña aki, e Conmemoracion di e morto di Hesus ta cay riba dialuna 14 di april, despues cu solo baha. Testigonan di Jehova ta invita bo pa bin na e evento aki.—Lesa Romanonan 1:11, 12.