Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  December 2013

 SIÑA BO YIUNAN

Hesucristo—Kico E Ta Haciendo Aworaki?

Hesucristo—Kico E Ta Haciendo Aworaki?

Den december, hopi hende rond mundo ta mira plachi of popchi di Hesus ora e tabata baby den un pesebre. Un pesebre ta un baki grandi caminda nan ta pone yerba pa bestia come. Pero Hesus ta un baby ainda? Ta asina nos tin cu corda riba dje? * Un cos cu a pasa riba un anochi cu un grupo di wardador di carne cerca di Betlehem ta siña nos un manera mas importante pa corda riba dje. Laga nos papia di esey.

Diripiente e hombernan aki a mira un angel. E angel a bisa nan: “A nace esun cu lo ta boso Salbador, kende ta Cristo, e Señor.” Tambe e angel a bisa nan cu nan lo haya Hesus “lora den paña y drumi den un pesebre.” Di biaha, hopi otro angel a yega y cuminsa “alaba Dios.”

Con lo bo sinti bo si bo tende angel alaba Dios?— E hombernan a keda masha contento mes. Nan a bisa: “Laga nos ban Betlehem pa mira kico a pasa eynan.” Ora nan a yega, nan a haya “Maria cu Jose, y e yiu chikito drumi den e pesebre.”

E hombernan a bisa otro hende kico a pasa y nan tur a keda boca habri. Abo ta contento di sa tur e cosnan bunita aki di Hesus?— Nos tur cu ta stima Dios ta contento. Laga nos wak awor dicon hende a bira asina feliz ora Hesus a nace. Nos ta bay bek na e tempo prome cu Maria a casa.

Riba un dia, un angel cu yama Gabriel a bin cerca Maria. El a priminti Maria cu Maria lo haya un baby y cu “lo e ta grandi y lo ser yama Yiu di e Haltisimo.” Gabriel a bisa: “Lo e reina como Rey ... y lo no tin fin na su Reino.”

Maria kier a sa ta con e por a haya un yiu, pasobra e no a yega di drumi cu un homber. Pesey Gabriel a bis’e: “Poder di e Haltisimo lo tapa bo”, y “e yiu cu nace lo ser yama santo y Yiu di Dios.”  Kiermen, Dios tabata bay tuma e bida di su Yiu for di cielo y pon’e den bariga di Maria, pa e nace como un baby. Esey ta un gran milager!

Bo a yega di mira plachi of pesebre cu e asina yama tres reynan cu ta bishita Hesus como baby hunto cu wardador di carne?— Den tempo di Pasco bo por mira e pesebrenan ey. Pero tin algun cos cu no ta bon. Pasobra eigenlijk e tres reynan tabata astrologo. Un astrologo ta un hende cu ta wak strea pa purba haya sa futuro. Dios no ta gusta esey. Laga nos wak kico a pasa ora nan a yega. Bijbel ta bisa: “Ora nan a drenta den e cas, nan a mira e mucha hunto cu su mama, Maria.” Pues Hesus no tabata un baby mas den un pesebre; e tabata un mucha cu tabata biba hunto cu Jose cu Maria den un cas.

Con e astrologonan a haya sa na unda Hesus tabata?— Un “strea” a mustra nan e caminda, no pa Betlehem, sino pa bay prome cerca Rey Herodes na Jerusalem. Bijbel ta bisa cu Herodes kier a haya Hesus pa e mat’e. Pensa riba esaki un rato. Ken bo ta kere a pone e strea pa e hombernan haya sa con pa yega cerca Herodes?— Esey no tabata Jehova, e Dios berdadero, sino su enemigo, Satanas e Diabel!

Awe, Satanas kier pa hende kere cu Hesus ta un baby ainda, cu no por yuda su mes. Ma angel Gabriel a bisa Maria: “Lo e reina como Rey ... y lo no tin fin na su Reino.” Awe Hesus ta Rey den cielo, y pronto lo e caba cu tur enemigo di Dios. Esey ta loke nos tin cu corda di Hesus, y nos tin cu bisa otro hende esey.

Lesa Den Bo Bijbel

  • Lucas 1:26-35; 2:8-18

  • Mateo 2:7-12; 1 Pedro 5:8

  • Revelacion 19:19-21; 1 Juan 2:17

^ par. 3 Si bo ta lesa pa un mucha, e strepi ta indicacion pa stop y laga nan contesta.

Mas Informacion

Kico Bijbel Ta Siña Realmente?

Ken Hesucristo Ta?

Haya sa dicon Hesus ta e Mesias priminti, di unda el a bin, y dicon e ta Jehova su Yiu unigenito.

Kico Bijbel Ta Siña Realmente?

Dios Su Regalo di Mas Grandi—E Rescate

Kico ta e rescate? Con abo por beneficia di dje?