Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  December 2013

Pregunta Cu Bijbel Ta Contesta

Pregunta Cu Bijbel Ta Contesta

Pakico Cristo ta bin bek?

Prome cu Cristo a subi na cielo na aña 33 di prome siglo, el a priminti cu e ta bin bek. El a compara su mes cu un homber noble cu a biaha bay afo pa un tempo largo y despues bin bek cu poder pa goberna como rey. Pues Hesus ta bin bek pa percura pa humanidad haya un bon gobierno.—Lesa Lucas 19:11, 12.

Hesus lo percura pa humanidad haya un bon gobierno

Den ki forma Cristo ta bin bek? El a ser resucita como un persona spiritual invisibel. (1 Pedro 3:18) Anto el a bay cielo y a sinta na man drechi di Dios. (Salmo 110:1) Hopi tempo despues, Hesus a presenta dilanti di Jehova Dios, “e Anciano di Dianan”, kende a dun’e poder pa goberna humanidad. Pues Hesus ta bin bek, no como hende, sino como un Rey invisibel.—Lesa Daniel 7:13, 14.

Kico Hesus lo haci ora e yega?

Ora Hesus yega den forma invisibel hunto cu su angelnan, lo e husga humanidad. Lo e destrui hende malbado, pero lo e duna esnan cu ta acept’e como Rey bida eterno.—Lesa Mateo 25:31-33, 46.

Ademas, lo e transforma tera den un paradijs. Tambe lo e resucita e mortonan pa nan por disfruta di bida den e paradijs ey.—Lesa Lucas 23:42, 43.