Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  July 2013

Religion y Moralidad

Religion y Moralidad

“M’a bay universidad cu hopi hoben cu a bisa cu nan ta religioso, pero toch nan tabata kijk af y uza droga. Nan religion no tabatin ningun influencia riba nan bida.” Asina Sylvia, cu ta traha den salubridad, a bisa.

Un homber cu yama Lionel a conta: “Mi coleganan di trabou ta yama bisa cu nan ta malo aunke nan ta bon bon di salud. Nan tin nan religion si, pero e ta manera un mueble cu t’ey djis pa pronk.”

Religion no tin ningun influencia riba e norma- y balornan di nan miembronan. Hopi hende tin un “apariencia di ta devoto” ma “no ta demostra e devocion ey den nan bida.” (2 Timoteo 3:5) Nan lidernan religioso mes no a pone un bon ehempel, ni nan no a duna nan miembronan e consehonan biblico necesario pa nan por hiba un bida moralmente limpi. Pesey, no ta nada straño anto cu hopi hende ta pensa cu Dios no ta preocupa con bo ta hiba bo bida.

KICO BIJBEL TA SIÑA?

Bijbel ta mustra cu Dios tin sintimento y cu e ta masha interesa den nos conducta. Ora Israel di antiguedad a rebela contra Dios, nan “a hacie tristo.” (Salmo 78:40) Di otro banda, tin gran “goso den cielo” ora un persona haci berdadero esfuerso pa cambia su bida. (Lucas 15:7) Ora un hende siña di e bunita cualidadnan di nos Tata celestial, su amor p’e lo crece y lo motiv’e pa stima loke Dios ta stima y odia loke Dios ta odia.—Amos 5:15.

KICO TESTIGONAN DI JEHOVA TA HACI?

E corant Deseret News di Salt Lake City, Utah, Merca, a bisa di Testigonan di Jehova: “Nan ta promove lasonan familiar fuerte y ta yuda hende bira ciudadano trahador y honrado.” El a sigui bisa: “Nan miembronan ta kere den un norma moral halto. Pa nan, humamento, bebemento di mas, uzo di droga, wega di placa, promiscuidad (ora un hende tin mas cu un partner sexual) y homosexualidad ta practicanan cu ta daña hende su relacion cu Dios.”

Lidernan religioso a yuda nan miembronan hiba un bida segun normanan di Dios?

Mas e Testigonan siña di Dios su personalidad, mas esey ta beneficia nan. Con asina? Wel Sylvia, menciona anteriormente, a bisa: “Riba tereno di salubridad ta masha comun pa comete fraude. Pues ta facil pa cay den e practica aki. Pero, e echo cu mi sa con Jehova * ta mira esaki ta yuda mi haci loke ta corecto. Esey ta haci mi contento y ta duna mi paz mental.” Sylvia ta convenci cu su determinacion pa pega na su conviccionnan religioso a yud’e bay dilanti den bida.

^ par. 9 Bijbel ta bisa cu Dios su nomber ta Jehova.