Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  June 2013

 SIÑA BO YIUNAN

Kico Nos Por Siña for di e Caso di un Criminal?

Kico Nos Por Siña for di e Caso di un Criminal?

Riba e plachi nos ta mira Hesus papiando cu un criminal. E criminal tin duele di e cosnan malo cu el a haci y e ta pidi Hesus: “Corda riba mi ora bo drenta bo Reino.” Bo sa kico Hesus ta respond’e? * Hesus ta primintie: “Di berdad mi ta bisa bo awe: Lo bo ta cu mi den Paradijs.”

Con bo ta kere cu e Paradijs ey lo ta?— Pa haci sigur cu loke nos ta kere ta corecto, laga nos papia tocante e Paradijs cu Dios a traha pa e prome homber y muher: Adam cu Eva. Ta na unda e Paradijs ey tabata? Den cielo, of riba tera?

E contesta corecto ta riba tera. Pues, ora Hesus a bisa cu e criminal lo ta “den Paradijs”, e tabata kiermen cu lo e bay biba den Paradijs aki riba tera. Con e Paradijs ey lo ta?— Ban wak.

Despues cu Jehova Dios a crea e prome pareha, Adam cu Eva, Bijbel ta bisa cu el a pone nan den un paradijs aki riba tera. Dios a yama e luga ey, ‘hofi di Eden.’ Bo por imagina con bunita e “hofi” ey lo tabata?— Nos por tin sigur cu e tabata un luga masha bunita y agradabel pa biba. Ningun di nos no a yega di mira un luga asina bunita.

Kico abo ta pensa? Hesus lo ta aki riba tera hunto cu e criminal?— No, Hesus lo ta den cielo como Rey y lo goberna e tera. Pesey, ora Hesus a bisa e criminal cu lo e ta cu ne, Hesus tabata kiermen cu lo e lant’e for di morto y percura pa e ta bon cuida den Paradijs riba tera. Pero dicon Hesus lo laga un hende cu tabata un criminal biba den Paradijs?— Laga nos papia un rato riba esaki.

 Ta berdad cu e criminal aki a haci cos masha malo mes. Pero tin miyones di hende cu a yega di biba riba tera cu tambe a haci cos malo. Mayoria di nan a haci malo pasobra ningun hende no a siña nan conoce Jehova ni con e kier pa nan biba.

Ta pesey hopi di nan, incluso e criminal cu Hesus a papia cu ne, lo haya resureccion pa biba den Paradijs aki riba tera. Nan lo siña kico ta Dios su boluntad. E ora ey nan lo por demostra cu nan ta stima Jehova.

Bo sa con nan por demostra esey?— Wel, door di obedece Dios. Esta dushi lo ta pa biba den Paradijs hunto cu hende cu ta stima Jehova y stima otro hende!

Lesa e textonan aki

  • Lucas 23:32-43

  • Genesis 2:7-9

  • Revelacion 21:3-5

^ par. 3 Si bo ta lesa pa mucha, e strepi ta indicacion pa stop y laga nan contesta.