Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  February 2013

Moises—Un Homber di Fe

Moises—Un Homber di Fe

KICO TA FE?

Segun Bijbel, “fe” ta encera confianza firme, basa riba evidencia solido. Un hende cu tin fe den Dios tin confianza cu Dios ta cumpli cu tur su promesanan.

CON MOISES A DEMOSTRA FE?

Moises a hiba un bida enfoca riba e promesanan di Dios. (Genesis 22:15-18) E por a hiba un bida comodo meymey di tur e luho na Egipto, pero el a nenga di haci esey y a “scoge pa ser maltrata hunto cu e pueblo di Dios en bes di gosa di e placernan pasahero di pica.” (Hebreonan 11:25) Acaso esey tabata un decision descabeya, uno cu lo a duel e despues? No, pasobra Bijbel ta bisa cu Moises a “sigui firme comosifuera el a mira Esun cu ta invisibel.” (Hebreonan 11:27) Moises nunca a lamenta e escogencianan cu el a haci a base di su fe den Dios su promesanan.

Ademas, Moises a haci esfuerso pa fortalece fe di otro hende. Por ehempel, wak kico a pasa ora e Israelitanan a kere cu nan a keda atrapa entre e ehercito di Farao y Lama Cora. Morto spanta pa loke a parce un calamidad inevitabel, e Israelitanan a sclama na Jehova y na Moises. Con Moises a reacciona?

Moises probablemente no tabata sa cu Dios lo a parti Lama Cora na dos, habriendo un caminda pa e Israelitanan por a scapa. Sinembargo, Moises tabatin confianza cu Dios lo a haci algo pa proteha Su pueblo. Y Moises a desea pa e otro Israelitanan tambe tabatin e mesun conviccion ey. Bijbel ta bisa: “Moises a bisa e pueblo: ‘No tene miedo! Para firme y mira e salbacion di SEÑOR cu e lo prepara pa boso awe.’ ” (Exodo 14:13) Moises a logra fortalece fe di e otro Israelitanan? Claro cu si, pasobra Bijbel ta bisa relaciona cu Moises y tur Israelita: “Pa medio di fe nan a pasa door di Lama Cora comosifuera riba tera seco.” (Hebreonan 11:29) E fe cu Moises a demostra a beneficia no solamente su mes, sino tambe tur hende cu a mira e importancia di pone fe den Jehova.

KI LES NOS POR SIÑA?

Awe, nos tambe, mescos cu Moises, mester hiba un bida enfoca riba e promesanan di Dios. Por ehempel, Dios ta priminti nos cu e lo percura pa nos necesidadnan material si nos pone su adoracion na prome luga den nos bida. (Mateo 6:33) Kisas no ta facil pa resisti e tendencia di pone cos material na prome luga, pasobra esey ta loke hopi hende ta haci awe. Pero nos por ta sigur cu ora nos ta haci esfuerso pa hiba un bida simpel y enfoca riba nos adoracion, Jehova lo duna nos tur loke nos mester. E ta duna nos e garantia: “Hamas lo mi bandona bo, y hamas lo mi laga bo desampara.”Hebreonan 13:5.

Ademas, nos tambe ta haci esfuerso pa yuda otro hende haya mas fe. Por ehempel, mayornan sabi ta realisa cu nan tin un bon oportunidad pa yuda nan yiunan haya fe den Dios. Mayornan mester cuminsa siña nan yiunan for di un edad hopi jong cu ta existi un Dios y cu el a duna nos su normanan encuanto kico ta bon y kico ta malo. Tambe mayornan mester haci sigur cu nan yiunan ta compronde cu ora nan sigui Dios su normanan lo bay bon cu nan den bida. (Isaias 48:17, 18) Mayornan ta duna nan yiunan un regalo precioso ora nan yuda nan haya fe cu Dios “ta existi y cu e ta bira Esun cu ta recompensa esnan cu ta haci esfuerso pa busc’e.”—­Hebreonan 11:6.