Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  February 2013

 TOPICO PRINCIPAL: KICO NOS POR SIÑA FOR DI MOISES

Ken Moises Tabata?

Ken Moises Tabata?

Kico ta bin na bo mente ora bo tende e nomber Moises?

  • E baby cu su mama a sconde den un macutu canto di Riu Nilo?

  • E mucha homber cu yiu muher di Farao a lanta den luho na Egipto, pero cu nunca a lubida cu e tabata un Israelita?

  • E homber cu a biba pa 40 aña como wardador di carne na Madian?

  • E homber cu tabatin un combersacion cu Jehova * dilanti di un mata na candela?

  • E homber cu a enfrenta e rey di Egipto y cu curashi a pidie pa libra e Israelitanan for di sclavitud?

  • E homber cu Dios a manda pa anuncia e Dies Plaga cu lo a bin riba Egipto ora e rey di e nacion aki a desafia e Dios berdadero?

  • E homber cu a saca e Israelitanan na un ­manera espectacular for di Egipto?

  • E homber cu Dios a laga parti Lama Cora na dos?

  • E homber cu a duna e Israelitanan e Dies Mandamento di Dios?

MOISES a haci tur esey y hopi mas. No ta nada straño cu hende cristian, hudiu y moslim tin un gran respet pa e homber fiel aki!

Sin duda, Moises tabata un profeta cu a haci “kosnan grandi i impreshonante.” (Deuteronomio 34:10-12BPK) El a laga Dios uz’e na un manera poderoso. Pero Moises tabata un homber masha gewoon. Mescos cu profeta Elias—kende a aparece banda di Moises den un vision durante Hesus su sirbishi riba tera—Moises tabata un homber “cu e mesun sintimentonan cu nos.” (Santiago 5:17; Mateo 17:1-9) El a pasa den hopi di e problemanan cu nos ta haya nos cu ne awe, y el a vence nan cu exito.

Bo kier sa con el a logra esey? Laga nos analisa tres di e bon cualidadnan cu Moises a demostra y kico nos por siña for di su ehempel.

^ par. 7 Segun Bijbel, Jehova ta e nomber di Dios.