Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  January 2013

Na Nos Lectornan

Na Nos Lectornan

Na juli 1879, nos a publica e prome edicion di e revista cu bo ta lesando actualmente. For di e tempo ey padilanti, hopi cos a cambia, incluso e revista aki. (Wak e potretnan ariba.) Cuminsando cu e edicion aki, lo bo mira mas cambio den e diseño di E Toren di Vigilancia. Kico ta e cambionan?

Un di e motibonan ta cu den hopi pais mas y mas hende ta gusta busca informacion online. Cu un click di nan mouse, nan por haya un cantidad di informacion disponibel solamente riba Internet. Por ehempel, nan por lesa tur tipo di buki, revista y corant online.

Teniendo tur esaki na mente, nos a dicidi di duna nos website jw.org un diseño nobo, cu e meta di hacie mas interesante y facil pa traha cu ne. Personanan cu bishita e site por lesa publicacionnan cu a ser traduci den mas cu 430 idioma. Pero, cuminsando e luna aki, algun articulo cu nos tabata publica den nos revistanan imprimi lo ta disponibel solamente riba nos website pero na otro idioma. *

Como cu nos lo sigui publica mas articulo solamente online, nos lo reduci e edicion di E Toren di Vigilancia pa publico di 32 pagina pa 16 pagina, cuminsando cu e edicion aki. Nos ta publica E Toren di Vigilancia na 204 idioma caba. Pesey awor cu e edicion pa publico tin menos pagina, nos lo por traducie na mas tanto idioma ainda.

Nos ta spera cu e cambionan aki lo yuda nos alcansa mas tanto hende cu e mensahe di Bijbel cu ta salba bida. Nos ta determina pa sigui duna un variedad amplio di informacion instructivo y interesante, tanto imprimi como online, pa yuda tur nos lectornan cu tin respet pa e Palabra di Dios y cu kier sa kico e ta siña realmente.

E Editornan

^ par. 5 Algun di e articulonan cu ta disponibel solamente online ta na otro idioma y ta entre otro: “For Young People”, cu ta proyectonan di estudio di Bijbel specialmente pa hoben, y “My Bible Lessons”, un serie special pa mayornan uza cu nan yiunan di cero pa tres aña di edad.