Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia (Edicion di Estudio)  |  December 2015

Bo Ta Corda?

Bo Ta Corda?

Bo a tuma tempo pa lesa e ultimo edicionnan di E Toren di Vigilancia? Wel, wak si bo por contesta e siguiente preguntanan:

Kico ta algun cos cu lo disparce ora e fin yega?

Eseynan lo ta fin di tur gobierno humano cu a faya, fin di guera y inhusticia, fin di religion cu a decepciona tanto Dios como hende y fin di hende malbado.—1/5, pag. 3-5.

Ken ta Gog di Magog menciona den e buki di Ezekiel?

Gog di Magog no ta referi na Satanas, sino na un coalicion, of grupo, di nacion cu ta purba di elimina e pueblo di Dios despues cu e gran tribulacion cuminsa.—15/5, pag. 29-30.

Menciona seis cos cu lo por yuda bo saca lo mihor di bo biehes.

Bijbel ta bisa pa nos ta (1) modesto, (2) balansa, (3) positivo, (4) generoso, (5) amabel y (6) agradecido. Ora bo ta refleha e cualidadnan ey, bo lo saca lo mihor di bo biehes.—1/6, pag. 8-10.

Con e milagernan di Hesus ta mustra su generosidad?

Na un fiesta di casamento na Cana, Hesus a cambia 380 liter (100 galon) di awa den biña. Na un otro ocasion el a alimenta mas cu 5.000 hende. (Mat. 14:14-21; Juan 2:6-11) Den tur dos ocasion e tabata imita e generosidad di su Tata.—15/6, pag. 4-5.

Con nos por ta sigur cu nos por agrada Dios a pesar cu nos ta imperfecto?

Tanto Job, Lot como David a comete eror. Pero, nan tabatin un deseo pa sirbi Dios. Tambe nan a arepenti di nan erornan y haci e cambionan necesario. Nan a haya Dios su aprobacion, y nos tambe por.—1/7, pag. 12-13.

Tur e miembronan di religion falso lo muri ora Babilonia e Grandi ser destrui?

Probablemente cu no. Zacarias 13:4 pa 6 ta duna di compronde cu hasta miembro di clero lo bandona nan religion y haci comosifuera cu nunca nan no tabata pertenece na e religionnan ey.—15/7, pag. 15-16.

Dicon Barak a bay di acuerdo pa bringa solamente si Debora bay cu ne?

Barak tabata un homber di fe. En bes di pidi Dios pa mas arma, e tabata kier tin un representante di Dios, esta, Debora, pa fortalece tanto e mes como su soldaatnan. (Hues. 4:6-8; 5:7)—1/8, pag. 13.

Kico ta algun cos cu un cristian por medita riba dje?

Nos por medita riba e creacion di Jehova, e balor di e Palabra di Dios, nos privilegio di haci oracion y e sacrificio di rescate.—15/8, pag. 10-13.

Ken nos lo no date of sali cu ne si nos kier evita mal asociacion?

Aunke nos ta trata di ta amabel cu tur hende, lo ta robes pa un cristian date of sali cu un persona cu no ta un fiel sirbidor batisa di Jehova y kende no ta respeta Su normanan halto. (1 Cor. 15:33)—15/8, pag. 25.

Con Pedro a perde su fe, pero con el a hay’e bek despues?

Apostel Pedro tabatin fe, pesey el a cana riba awa bay cerca Hesus. (Mat. 14:24-32) Pero ora Pedro a wak e tormenta el a haya miedo. Despues el a bolbe enfoca riba Hesus y a acepta su yudansa.—15/9, pag. 16-17.

Segun Echonan 28:4, e hendenan riba e isla cu yama Malta a pensa cu apostel Pablo tabata un asesino. Dicon nan a pensa asina?

Pasobra ora un colebra a morde Pablo, nan a pensa cu ta Dike, e diosa di husticia, tabata castig’e.—1/10, pag. 9.

Ki les nos ta siña for di e echo cu Marta tabata distrai cu hopi trabou?

Marta tabata demasiado ocupa preparando un cuminda special. Hesus a bisa cu su ruman muher a scoge e mihor parti door di scucha su siñansa. Nos mester tene cuidou pa no laga cosnan cu no ta importante stroba nos cu nos actividadnan spiritual.—15/10, pag. 18-20.