Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia (Edicion di Estudio)  |  July 2015

E mondi di Biriya na Galilea

Bo Tabata Sa?

Bo Tabata Sa?

Di berdad Israel tabatin asina tanto mondi y palo grandi manera Bijbel ta bisa?

BIJBEL ta bisa cu den algun area di e Tera Priminti tabatin palo grandi na abundancia. (1 Rey. 10:27; Jos. 17:15, 18) Sinembargo, awe hopi di e palonan ey a disparce, y pesey kisas tin hende ta puntra nan mes si loke Bijbel ta bisa ta berdad.

Un troshi grandi di figo sicamor

E buki Life in Biblical Israel ta splica cu “den Israel di antiguedad e mondinan tabata hopi mas grandi cu awe.” E regionnan di sero tabata cubri principalmente cu palonan di pino di Alepo (Pinus halepensis), di eik cu ta keda semper berde (Quercus calliprinos) y di terebint (Pistacia palaestina). Den e area di Shefela, cu a keda entre e cadena di sero di e parti central y e Costa Mediteraneo, tabatin cantidad di palo grandi di figo sicamor (Ficus sycomorus).

E buki Plants of the Bible ta indica cu den algun area na Israel tur palo di mata a disparce. Con bin? E buki ta splica cu esaki a tuma luga gradualmente y ta bisa: “Hende a rosa e mondinan y a caba cu e vegetacion natural pa nan por a haya tereno pa planta, pa bestia por come yerba, pa haya material di construccion y tambe combustibel.”